மழைக்காலம் ஆரம்பித்து விட்டது; அடுத்து பனிக்கா லமும் வர இருக்கிறது. டெங்கு காய்ச்சலும் பரவும் சூழலில் நிலவேம்பு கசாயம் தடுப்பு மருந்தாகவும் குணப்படுத்தும் மருந்தாகவும் நமக்குக் கைக்கொடுக்கிறது.
இரத்தத் தட்டுகளை அழிக்கும் வைரஸை அழிக்கக் கூடியது இந்த நிலவேம்பு. மிக எளிதாக நிலவேம்பு கஷாயத்தை தயாரிக்க முடியும். நிலவேம்பு கஷாயப் பொடியில் வெறும் நிலவேம்பு மட்டும் இருப்பதில்லை.
அதனுடன் வெட்டி வேர், கோரைக்கிழங்கு, கருப்பு மிளகு, இஞ்சி போன்ற பல்வேறு மூலிகைகள் சேர்க்கப்படுகின்றன. நிலவேம்பு என்பது ஒரு முக்கியமான மூலிகையாகும்.
இது நோய் எதிர்ப்பு சக்தியை அதிகரிக்கவும், உடல் ஆரோக்கியத்தை மேம்படுத்தவும் உதவுகிறது. இந்த மூலிகையானது பழங்காலம் முதலே சித்த மருத்துவத்தில் பயன்பாட்டில் உள்ளது.
இது காய்ச்சல், தலைவலி, உடல்வலி மற்றும் சோர்வு ஆகிய பிரச்சனைகளை சரி செய்ய உதவுகிறது.
டெங்கு மற்றும் கொரோனா போன்ற வைரஸ்களில் இருந்து விலகி இருக்க ஒரு நாளைக்கு இரண்டு முறை 60 மி.லி நிலவேம்பு கஷாயத்தை குடிக்கலாம் என கூறப்படுகிறது.
நோய்களை விரட்டும் நிலவேம்பு கசாயம்
உயிரையே பறிக்கிற அளவுக்கு கொடுமையான நோய்கள் சிலவற்றையும் கூட இந்த நிலவேம்பு கஷாயத்தின் மூலம் கட்டுப்படுத்த முடியும்.
இரத்தத்தில் அதிகமான சர்க்கரை அளவு, மூட்டு வலி, கல்லீரல் நோய்கள் மற்றும் புற்றுநோய் போன்ற பிரச்சனைகளை சரி செய்ய உதவுகிறது. நிலவேம்பு இரத்த சர்க்கரை அளவை நிர்வகிக்க உதவுகிறது.
இதனால் நீரிழிவு உள்ளவர்களுக்கு இது பயனுள்ளதாக உள்ளது. இது புற்றுநோயை எதிர்த்து போராடவும் கல்லீரலின் நச்சுத்தன்மையை குறைக்கவும் உதவுகிறது.
நிலவேம்பில் உள்ள அழற்சி எதிர்ப்பு பண்புகளின் வளமான ஆதாரங்கள் காரணமாக மூட்டுகளில் ஏற்படும் வீக்கத்தை குறைக்க முடியும். மேலும் முடக்குவாதத்தை சரி செய்ய இது உதவியாக இருக்கிறது.
நிலவேம்பு கஷாயம் அதன் ஆக்ஸிஜனேற்றம் மற்றும் ஆண்டி மைக்ரோபியல் பண்புகள் காரணமாக இரத்தத்தை சுத்திகரிக்க உதவுகிறது. இதனால் இரத்தத்திலிருந்து நச்சுக்களை இது வெளியேற்றுகிறது.
எனவே சருமத்தில் ஏற்படும் வெடிப்புகள் போன்ற பிரச்சனைகளை சரி செய்து இது சருமத்திற்கு நன்மை பயக்கிறது. செரிமான சக்திக்கு பெயர் பெற்ற மூலிகையாக நிலவேம்பு உள்ளது.
வாயு பிரச்சனைகள், மலச்சிக்கல், வீக்கம், புண்கள் மற்றும் வயிற்று வலி ஆகியவற்றை சரி செய்ய இது உதவுகிறது.
குறிப்பாக சர்க்கரை நோய் உள்ளவர்களுக்கு அடிக்கடி ஏற்படும் மலச்சிக்கலுக்கு இந்த நிலவேம்பு மிகச்சிறந்த மருந்தாகச் செயல்படும்.
பெப்டிக் அல்சர் அறிகுறிகளை அறிவோம் !
நிலவேம்புப் பொடி தமிழக த்தின் எல்லா அரசு மருத்துவ மனைக ளிலும் இலவச மாக விநியோகி க்கப்படு கிறது. தனியார் மருத்துவ மனைக ளிலும் விற்பனை க்கு வைத்திரு க்கிறார்கள்.
செய்முறை :
நிலமேம்புப் பொடி 10 கிராம் எடுத்து க்கொண்டு 400 மி.லி. தண்ணீரில் கலந்து நன்றாக கொதிக்க வைக்க வேண்டும். இந்த நீர் 50மி.லி.யாக, அதாவது எட்டில் ஒரு பாகமாக ஆகும் போது, அதை எடுத்து வடிகட்டி குடிக்கலாம். இது ஒரு நபருக்கான அளவு.
