கற்றாழை சாறு வாய்வழியாக எடுத்துக் கொள்ளும் போது அதன் மலமிளக்கிய பண்பு காரணமாக மலச்சிக்கலை குறைக்க உதவுகிறது. கற்றாழை சாறு உடல் எடையை குறைக்கவும் நீரிழிவு நோயை கட்டுப்படுத்தவும் பயன்படுகிறது.
கர்ப்ப காலத்தில் கற்றாழையைத் தவிர்ப்பது நல்லது, ஏனெனில் இது கருச்சிதைவுக்கு வழிவகுக்கும் கருப்பைச் சுருக்கங்களை அதிகரிக்கும். கற்றாழை ஜூஸ் குடித்து ஒரு மணி நேரத்துக்கு எதையும் குடிக்காமல் இருப்பது நல்லது.
அதே போல, சர்க்கரை நோயால் பாதிக்கப் பட்டவர்கள், ரத்த அழுத்த பாதிப்பு உள்ளவர்கள், கர்ப்பிணிகள், குழந்தை பெற்ற பெண்கள், அலர்ஜி உடையவர்கள் டாக்டரிடம் ஆலோசித்து விட்டே கற்றாழை ஜூஸை பயன்படுத்த வேண்டும்.
காலையில் வெறும் வயிற்றில் குடிக்கலாம். அப்போது சிறிது வெது வெதுப்பான நீரில் கலந்து குடிப்பது நல்லது. காலை வெறும் வயிற்றில் குடிக்கும் போது சிறிது எலுமிச்சைச் சாறு சேர்த்துக் குடிப்பது நல்லது.
சோற்றுக் கற்றாழையில் வைட்டமின் ஏ, சி, இ மற்றும் அனைத்து விதமான தாதுக்களும் இருக்கிறது. சருமத்திற்கும், முடி வளர்ச்சிக்கும் இது நல்லது.கொழுப்பை குறைக்கும்.
ரத்த அழுத்தத்தை சீராக்கும். உடலில் உள்ள நச்சுக்களை வெளியேற்றும். நரம்புகளுக்கு ஊட்டம் அளிக்கும். புற்று நோய் வராமல் தடுக்கும்.
இந்த ஜூஸை தொடர்ந்து பத்து நாட்கள் பருகி விட்டு பின்னர் 10 நாட்கள் இடைவெளி விட்டு மறுபடியும் 10 நாட்கள் தொடர்ந்து பருகலாம். இன்று சோற்றுக் கற்றாழை ஜூஸ் செய்வது எப்படி என்று பார்க்கலாம்.
தேவையான பொருட்கள் :
சோற்றுக் கற்றாழை ஜெல் - 2 டீஸ்பூன்
தேன் - 1 ஸ்பூன்
தண்ணீர் - தேவையான அளவு
செய்முறை :
சோற்றுக் கற்றாழை தோலை முழுவதுமாக நீக்கி அதில் உள்ள ஜெல்லை எடுத்து நன்றாக கழுவி சுத்தம் செய்து கொள்ளவும்.
சுத்தம் செய்த சோற்றுக் கற்றாழை ஜெல்லை மிக்சியில் போட்ட அதனுடன் தேவையான அளவு தண்ணீர் ஊற்றி விழுதாக அரைத்துக் கொள்ளவும். அரைத்த ஜூஸில் தேன் கலந்து சாப்பிடவும்.
சூப்பரான சோற்றுக் கற்றாழை ஜூஸ் ரெடி.
குறிப்பு:
இதை கர்ப்பிணிகளும், பாலூட்டும் தாய்மார்களும், 6 வயதுக்குட்பட்ட குழந்தைகளும் சாப்பிடக் கூடாது.
