கோதுமை பஞ்சாபிகளின் முதன்மையான உணவு. தற்போது தென்மாநில மக்களிடமும், கோதுமை தனியிடம் பிடித்து வருகிறது. பொதுவாக தெரிந்த இந்த குணங்களை தவிர சிறப்பு தன்மைகள் பல நிறைந்தது.
முதுகுவலி, மூட்டு வலியால் அவதிப்படுபவர்களுக்கு கோதுமையை வறுத்து பொடித்து, அதனுடன் தேன் சேர்த்து உட்கொள்ள கொடுக்க அந்த வலி குணமாகும்.
வயிற்றில் புளிப்புத்தன்மை உடையவர்கள் மற்றும் புளித்த ஏப்பம் அடிக்கடி வருபவர்கள் கோதுமை ரவையை கஞ்சி செய்து குடித்தால் உடனே நிவாரணம் பெறலாம்.
கோதுமை மாவை அக்கிப்புண், நெருப்புபட்ட இடம், மேல் தோல் உரிந்து போன இடம் ஆகியவற்றில் தூவினாலும் அல்லது வெண்ணெய் கலந்து பூசினாலும் எரிச்சல் தணியும்.
கோதுமை மாவை களியாக செய்து கட்டிகளுக்கு வைத்து கட்ட அவை சீக்கிரம் குணமாகும். வியர்க்குருவால் அவதிப்படுபவர்கள் கோதுமை மாவை புளித்த காடி நீரில் கலந்து பூசிவர அவை விரைவில் மறையும்.
கோதுமையை உணவில் அதிகம் எடுத்துக் கொள்பவர்களுக்கு உடல் பலம் அதிகரிக்கும். ஆண்களுக்கு ஆண்மை அதிகரிக்கும்.
கோதுமையை முந்தைய நாளே நீரில் ஊற வைத்து, காலையில் அடித்து பசையாக்கி, அதை மெல்லிய துணியில் இட்டு வடிகட்டி பிழிந்து வருகின்ற பால் கோதுமைப் பாலாகும்.
இந்த பாலை கப நோயாளிகள் பருக நல்ல பலன் கிடைக்கும். ரொட்டி கோதுமை மற்றும் மக்ரோனி கோதுமையைத் தவிர மற்றும் ஒரு கோதுமை வகை தான் சம்பா கோதுமை.
காய்கறி கோதுமை வைத்து போண்டா எப்படி மொறு மொறு செய்யலாம் பார்க்கலாம்.
தேவையான பொருட்கள்
கோஸ் - 1 கப்
கேரட் - 1
இஞ்சி - 1/2 துண்டு
பச்சை மிளகாய் - 1
வெங்காயம் - 1
சீரகம் - 1/2 தேக்கரண்டி
கறிவேப்பிலை - சிறிதளவு
கொத்தமல்லி - சிறிதளவு
மிளகாய் தூள் - 1/2 தேக்கரண்டி
உப்பு - தேவையான அளவு
கரம் மசாலா - 1/2 தேக்கரண்டி
கோதுமை மாவு - 1/2 கப்
சோள மாவு - 1 தேக்கரண்டி
சமையல் சோடா - 2 சிட்டிகை
தக்காளி சாஸ் - 2 தேக்கரண்டி
செய்முறை
முதலில் ஒரு பாத்திரத்தில் கோஸ் பொடியாக நறுக்கி போடவும். பிறகு கேரட் பொடியாகத் துருவி போடவும். பிறகு இஞ்சி பொடியாக நறுக்கி போடவும்.
பிறகு பச்சை மிளகாய் பொடியாக நறுக்கி போடவும். பிறகு வெங்காயம் பொடியாக நறுக்கி போடவும். பிறகு சீரகம் சேர்க்கவும்.
பிறகு கறிவேப்பிலை, கொத்தமல்லித் தழை பொடியாக நறுக்கி போடவும். பிறகு மிளகாய் தூள் சேர்க்கவும். பிறகு உப்பு , கரம் மசாலா சேர்க்கவும்
பிறகு கோதுமை மாவு சேர்க்கவும். பிறகு சோள மாவு சேர்க்கவும். பிறகு சமையல் சோடா சேர்க்கவும். பிறகு தக்காளி சாஸ் சேர்த்து நன்கு கலக்கவும். தண்ணீர் சேர்க்க வேண்டாம்.
நன்கு பிசைந்து சின்ன உருண்டைகளாக உருட்டி வைக்கவும். பிறகு ஒரு வாணலை அடுப்பில் வைத்து எண்ணெய் ஊற்றி சூடானதும் உருண்டைகளைப் போட்டு பொரித்து எடுக்கவும்.
