சுவையான பொடி மாஸ் செய்வது எப்படி?

உடலுக்கு கெடுதி என்றே மட்டனை தூரமாக ஒதுக்கி வைத்து விடுகிறோம்.. ஆனால், ஆட்டிறைச்சியில் நிறைய சத்துக்கள் இருக்கின்றன என்பதையும் மறுத்துவிட முடியாது. 

இருதய நோயாளிகள், சர்க்கரை நோயாளிகள், ரத்த அழுத்தம் பிரச்சனை உள்ளவர்கள், மட்டன் பக்கமே வரக்கூடாது.. இதில், எந்தவிதமான மாற்றமும் கிடையாது. 

அதே சமயம், நல்ல உடல்நல ஆரோக்கியம் உள்ளவர்கள், மாதம் 1 முறையாவது, குறிப்பிட்ட அளவு ஆட்டிறைச்சியை உணவில் எடுத்து கொள்ளலாம். 

அந்த வகையில், செம்மறி ஆட்டுக்கறி, வெள்ளாட்டுக்கறி என்று 2 வகையான இரண்டு வகையான மட்டன்கள் இருந்தாலும், 100 கிராம் செம்மறி ஆட்டில் 300 கலோரிகள் உள்ளன. 

ஆட்டிஸம் (Autism) என்பது நோயல்ல, அது ஒரு குறைபாடே !

20 கிராம் கொழுப்பு, புரோட்டீன் 25 கிராமும், கொலஸ்டிரால் 100 மி.கிராமும் உள்ளன. 100 கிராம் வெள்ளாட்டு கறியில், 130 கலோரிகளும், 3 கிராம் கொழுப்பு, 27 கிராம் புரோட்டீன் உள்ளன. 

எனவே, வெள்ளாட்டுக்கறி சிறந்தது என்றாலும், இருவகை இறைச்சியிலுமே இரும்பு, துத்தநாகம், வைட்டமின் B12 சத்துக்கள் ஒரே மாதிரியாகவே உள்ளன. அதற்காக இந்த கறியையும் அதிகமாக சாப்பிடக்கூடாது. 

எப்போதுமே மட்டன் சமைக்கும் போது, குறைவான எண்ணெய், வேக வைத்து, கிரில் செய்து சாப்பிடலாம். அல்லது மிளகு தூள் சேர்த்து, சூப் போல  சாப்பிடலாம். 

சரி இனி கொத்துக்கறி பயன்படுத்தி சுவையான பொடி மாஸ் செய்வது எப்படி?  என்று இந்த பதிவில் கண்போம்.  

தேவையான பொருட்கள்:

கொத்துக்கறி – ¼ கிலோ

கடலைப் பருப்பு – 100 கிராம்

சின்ன வெங்காயம் – 100 கிராம்

பச்சை மிளகாய் - 4

பூண்டு – 5 பல்

இஞ்சி – சிறிது

தாளிக்க:

பட்டை – சிறிதளவு

சோம்பு – சிறிதளவு

உளுந்தம் பருப்பு – சிறிதளவு

துருவிய தேங்காய் – ¼ கோப்பை

எண்ணெய் – தேவை யான அளவு

உப்பு – தேவை யான அளவு

மிளகாய் தூள் – 1 தேக்கரண்டி

முதுகு வலி ஏற்படுவது எதனால்? எப்படி போக்குவது !

செய்முறை:

வெங்காயம், பச்சை மிளகாய், பூண்டு, இஞ்சி ஆகிய வற்றை பொடியாக நறுக்கி வைத்துக் கொள்ளவும்.

சட்டியில் எண்ணெய் ஊற்றி பட்டை,சோம்பு போட்டு தாளித்து பொடியாக நறுக்கிய வெங்காயம், பச்சை மிளகாய், பூண்டு, இஞ்சி ஆகியவற்றை சேர்த்து வதக்கவும். 

பின் கொத்து கறியையும் நன்கு வதக்கி ஒரு கப் தண்ணீர் ஊற்றி தேவைக்கு ஏற்ப மிளகாய் தூள், உப்பு சேர்த்து வேகவிடவும். வெந்தவுடன் கடலைப் பருப்பையும், தேங்காய் துரு வலையும் சேர்த்து இறக்கவும். சுவையான பொடிமாஸ் தயார்.

குறிப்பு:

இதில் முட்டையை அவித்து வெள்ளை கருவை மட்டும் சிறு துண்டு களாக நறுக்கி போடவும்.