ஓட்ஸ் தற்போது பல்வேறு வகைகளில் மக்களுக்கு பயன்படுகிறது. ஓட்ஸ் உணவை கொண்டு இட்லி, தோசைகள், ஊத்தப்பம்கள், குக்கீஸ், கேக்குகள், ஸ்மூத்திகள் உள்ளிட்டவைகளை தயாரிக்க பயன்படுகிறது.
100 கிராம் ஓட்ஸில், 389 கலோரி சக்தி உள்ளது. ஓட்ஸில் நம் உடலுக்கு தேவையான, அத்தியாவசிய ஊட்டச் சத்துக்களான தையமின், துத்தநாகம், மெக்னீசியம், இரும்புச்சத்து, மாங்கனீஸ், பாஸ்பரஸ், செலீனியம் போன்ற மினரல்கள் அதிகம் உள்ளன.
ஒரு கோப்பை ஓட்ஸ் உணவில், நமது உடலுக்கு தேவையான நார்ச்சத்து, அத்தியாவசிய கொழுப்பு அமிலங்கள், வைட்டமின் இ மற்றும் புரதங்கள் உள்ளன.
ஓட்ஸ் உணவில், பீட்டா குளுகான் என்ற எளிதில் கரையத்தக்க நார்ச்சத்து உள்ளது. நோய் எதிர்ப்பு சக்தியை அதிகரிக்கத்தக்க வகையிலான பீட்டா குளுகானை எளிதில் உறிஞ்சத்தக்க ரத்த வெள்ளை அணுக்களின் உற்பத்தியை அதிகரிக்கிறது.
உடலில் ஏற்படும் தொற்றுகளில் இருந்து பாதுகாக்க ரத்த வெள்ளை அணுக்களுக்கு துணை நிற்கிறது.
உடலில் ஏற்படும் காயங்களை குணப்படுத்துவதற்கு, பீட்டா குளுகான்கள், அதில் உள்ள ஆன்டி ஆக்சிடண்ட்களுக்கு சென்சிடிவ் ஆக விளங்குகிறது.
பாக்டீரியா, வைரஸ், பூஞ்சைகள், ஒட்டுண்ணிகள் உள்ளிட்டவைகளால் நமது உடலுக்கு ஏற்படும் பாதிப்புகளில் இருந்து பாதுகாக்க இது உதவுகிறது.
துத்தநாகம் மற்றும் செலீனியம், உடலில் ஏற்படும் தொற்றுக்களில் இருந்து பாதுகாக்க உதவுகிறது. சுவாசப்பாதைகளில் ஏற்படும் பாதிப்புகளில் இருந்து நம்மை காத்கிறது.
சிறு குழந்தைகளுக்கு ஆரம்ப காலத்தில் இருந்தே, அவர்களது உணவில், ஓட்ஸை கலந்து கொடுத்து வந்தால், அவர்களுக்கு ஏற்படும் ஆஸ்துமா தொந்தரவில் இருந்து தற்காத்துக் கொள்ளலாம்.
சரி இனி ஓட்ஸ் பயன்படுத்தி சூப்பரான ஓட்ஸ் பிரியாணி கஞ்சி செய்வது எப்படி? என்று இந்த பதிவில் கண்போம்.
அசைவ உணவுகளை அதிகம் உண்பவர்களுக்கு ஆபத்து !
தேவையான பொருள்கள் : -
ஓட்ஸ் - 1 1/4 கப்.
நறுக்கிய பெரிய வெங்காயம் - 2,
தக்காளி - 1, கேரட் - 1,
பீன்ஸ் - 5,
முட்டைகோஸ் - 1/2 கப்,
கொத்தமல்லித்தழை - 1 டேபிள் ஸ்பூன்,
பச்சை பட்டாணி - 1/4 கப்,
கீறிய பச்சைமிளகாய் - 2,
புதினா இலை - 1 டேபிள்ஸ்பூன் (நறுக்கியது)
எலுமிச்சைச்சாறு - 1/2 டீஸ்பூன்,
இஞ்சி - பூண்டு விழுது - 1/2 டீஸ்பூன்,
தயிர் - 1 டீஸ்பூன்,
நெய் - 10 கிராம்,
பட்டை - 1 துண்டு,
கிராம்பு - 2,
ஏலக்காய் - 1,
மஞ்சள் தூள் - 1/4 டீஸ்பூன்,
மிளகாய் தூள் - 1/2 டீஸ்பூன்,
உப்பு - தேவைக்கு,
தேங்காய்ப்பால் - 1/2 கப்,
செய்முறை : -
நெய்யை சூடாக்கி பட்டை, கிராம்பு, ஏலக்காய் சேர்த்து வெடிக்க விடவும். வெங்காயம் சேர்த்து சிவக்க வறுக்கவும். இஞ்சி - பூண்டு விழுது சேர்த்து வதக்கவும்.
அதன் மேல் நறுக்கிய காய்கறிகள், தக்காளி, பட்டாணி, பச்சைமிளகாய், புதினா, கொத்தமல்லித்தழை, தயிர், மஞ்சள் தூள், மிளகாய் தூள், உப்பு சேர்த்து 10 நிமிடங்கள் கிளறவும். 1 கப் தண்ணீர் சேர்த்து காய்கறிகளை வேக விடவும்.
வெந்த காய்கறி கலவையுடன் தேங்காய்ப் பால், எலுமிச்சைச்சாறு சேர்த்து கொதிக்கவிட்டு உப்பு, காரம் சரிபார்த்து அடுப்பை விட்டு இறக்கவும்.
2 1/2 கப் தண்ணீரை கொதிக்க விட்டு, அதில் ஓட்ஸை சேர்த்து நன்றாக வேக விடவும். வெந்த ஓட்ஸ் கலவையை, காய்கறி கலவையுடன் ஒன்றாக சேர்த்து கொதிக்க விடவும். கொத்த மல்லித்தழை சேர்த்து சூடாக பரிமாறவும்.
