பெரும்பாலான பெண்கள் மற்றும் குழந்தைகளும் விரும்பி சாப்பிடும் ஒரு பழம் ஸ்ட்ராபெர்ரி. இது பெர்ரி வகை பழங்களில் ஒன்று. இந்த பழம் அதிக சுவை மட்டுமல்லாமல் நல்ல மனமும் கொண்டுள்ளது.
ஸ்ட்ராபெரி பழத்தில் வைட்டமின் சி, போலிக் அமிலம், வைட்டமின் ஏ, வைட்டமின் கே, கால்சியம், இரும்பு, பாஸ்பரஸ், அயோடின் போன்ற உடலுக்குத் தேவையான ஏராளமான ஊட்டச்சத்துக்கள் நிறைந்துள்ளது.
மேற்கத்திய நாடுகளில் வாழும் மக்கள் ஸ்ட்ராபெரி பழங்களை அதிகம் சாப்பிடுவதால் புற்றுநோயை எதிர்த்து போராடும் ஆற்றல் அவர்களிடம் அதிகம் இருப்பதாக மருத்துவ ஆய்வுகள் கூறுகின்றது.
நமது உடலில் சேரும் பல வகையான நச்சுக்கள் மற்றும் செல்களில் ஏற்படும் பல மாற்றங்களாலும் புற்றுநோய் ஏற்படுவது இன்றைய காலத்தில் அதிகரித்து வருகிறது.
இந்த ஸ்ட்ராபெரி பழத்தை சாப்பிட்டு வந்தால் இது புற்றுநோய் வராமல் தடுக்க உதவுகிறது. ஸ்ட்ராபெரி பழத்தில் நார்ச்சத்து மற்றும் கொழுப்பை கரைக்க கூடிய வைட்டமின்கள் அதிகளவு நிறைந்துள்ளது.
நாம் சாப்பிடும் உணவுகளில் ஸ்ட்ராபெரி பழத்தை சேர்த்து சாப்பிட்டு வந்தால் உடலில் கொழுப்பு சேராமல் தடுக்கும்.
உடல் எடையை குறைக்க விரும்புவோர் தினமும் காலையில் ஸ்ட்ராபெரி பழங்களை சாப்பிட்டு வந்தால் உடல் எடை எளிதில் சீக்கிரம் குறையும் என்று கூறப்படுகிறது.
இன்றைய அவசர உலகில் நிறைய சிற்றுண்டிகளுக்கு (டிஷ்க்கு) ஜாம் தொட்டு சாப்பிடுவதைத் தான் எல்லாரும் விரும்புகிறோம்.
அதுவும் ஜாம் என்றால் போதும் சாப்பிட அடம் பிடிக்கும் குழந்தைகளும் வாயை மூடிக்கொண்டு சாப்பிட ஆரம்பித்து விடுவார்கள்.
கடைகளில் விற்கப்படும் ஜாமில் ஏராளமான செயற்கை சுவையூட்டிகள், செயற்கை நிறமூட்டுகள் போன்ற உடலுக்கு கெடுதலான விஷயங்களை சேர்க்கின்றனர்.
எனவே இதற்கு பதிலாக வீட்டிலேயே எளிதான முறையில் ஸ்ட்ராபெரி ஜாம் தயாரித்து கொடுக்கலாம்.
தேவையான பொருட்கள்
ஸ்ட்ரா பெரி – 30 / 3 கப்
சர்க்கரை – 1 கப்
எலுமிச்சை சாறு – 1 மேஜைக்கரண்டி
செய்முறை
ஸ்ட்ராபெரியை எடுத்துக் கொள்ளவும், அதன் தண்டை நீக்கி விட்டு நன்கு கழுவவும். சிறிதாக நறுக்கி ஒரு பானில் எடுத்துக் கொள்ளவும்.
நாண், சப்பாத்தியுடன் சாப்பிட கொத்தமல்லி - உருளைக்கிழங்கு வறுவல் செய்வது எப்படி?
சர்க்கரை சேர்க்கவும். நன்கு கலக்கவும். அதனை மூடி 2 மணி நேரம் அல்லது இரவு முழுவதும் ஃப்ரிட்ஜில் வைக்கவும். அதனை வெளியே எடுக்கும் போது அதில் நீர் வெளியேறியிருக்கும்
பின்பு அதனை 10 நிமிடம் அல்லது சிறிது நேரம் கூட கொதிக்க வைக்கவும்.நேரம் ஆக ஆக கெட்டியாகத் தொடங்கும்.
பின்பு அதனை இறக்கி 30 நிமிடம் வைக்கவும். மேலும் சிறிது கெட்டியாகும். பின்பு அதனுடன் எலுமிச்சை சாறு சேர்க்கவும். ஸ்ட்ராபெரி ஜாம் ரெடி!
