பொட்டோட்டோ சீஸ் ஒம்லெட் செய்வது எப்படி?

உடல் ஆரோக்கியத்தை வலுப்படுத்த முட்டை மிகவும் இன்றியமையானது. ஏனெனில் முட்டையில் அதிக அளவில் சத்துக்களானது நிறைந்துள்ளது. 

முட்டையில் புரதம் ரிபோப்லாவின், போலேட், இரும்புச்சத்து, பாஸ்பரஸ், செலினியம், மக்னீசியம், விட்டமின் A, E மற்றும் B6 அதிகமாக உள்ளதால், இவை தசை மற்றும் திசுக்களின் வளர்ச்சிக்கு தேவையான ஊட்டத்தை அளிக்கிறது.

முட்டையில் எலும்பின் ஆரோக்கியத்திற்கு தேவையான விட்டமின் D மற்றும் கால்சியம் சத்துக்கள் அதிகமாக இருக்கிறது. எனவே இதை தினமும் சாப்பிடுவதால், நம் உடம்பில் உள்ள எலும்புகளின் வலிமை அதிகரிக்கச் செய்கிறது.

கான்கிரீட் கித்தான் எனப்படும் கான்கிரீட் கேன்வாஸ் !

முட்டை லுடீன் மற்றும் ஸீக்ஸாக்தைன் ஆகிய கரோட்டினாய்டு பொருட்களை அதிகமாக கொண்டுள்ளதால், இது நமது கண்களின் கருவிழி செயலிழப்பு மற்றும் கண்புரை நோய்களை தடுத்து, கண்களின் ஆரோக்கியத்தை மேம்படுத்துகிறது.

முட்டையில் உள்ள கோலைன் என்ற பொருள் நரம்பு மண்டலம் மற்றும் இதய நரம்பு மண்டலத்தின் பிரச்சனைகளைக் குறைத்து, மூளையின் செயல்பாட்டை சிறப்பாக இயக்குவதற்கு உதவுகிறது.

பொதுவாக அன்றாடம் வீட்டில் நாம் முட்டை சாப்பிடுவது வழமையான விடயமாகும். முட்டையை பல வகைகளில சமைத்து சாப்பிடலாம். 

அந்த வகையில் முட்டையை பொட்டேட்டோவுடன் சீஸ் சேர்த்து ஒம்லெட் போட்டு செய்து சாப்பிட்டு பாருங்கள். அதன் சுவையே தனி தான். சரி இப்போது இதை எப்படி செய்வதென்று பார்ப்போம்.

தேவையான பொருட்கள்

முட்டை - 4

உருளைக்கிழங்கு - ஒன்று

சீஸ் - ஒரு ஸ்லைஸ்

வெங்காயம் - ஒன்று

பச்சைமிளகாய் - ஒன்று

மிளகு தூள் - ஒரு தேக்கரண்டி

உப்பு - தேவையான அளவு

சிறு நீரகங்களுக்கு பாதிப்பை ஏற்படுத்தும் பழக்கங்கள் !

செய்முறை

வெங்காயத்தை நீளமாக மெல்லியதாக நறுக்கி வைக்கவும். உருளைக் கிழங்கை தோல் சீவி விரல் நீள துண்டுகளாக நறுக்கி சிறிது உப்பு சேர்த்து பிரட்டி வைக்கவும். பச்சை மிளகாயை பொடியாக நறுக்கவும்.

பாத்திரத்தில் எண்ணெய் ஊற்றி காய்ந்ததும் வெங்காயம், பச்சை மிளகாய் போட்டு வதக்கி எடுத்துக் கொள்ளவும். அதே பாத்திரத்தில் மேலும் சிறிது எண்ணெய் விட்டு உருளைக் கிழங்கை போட்டு பொன்னிறமாக பொரித்து எடுக்கவும்.

ஒரு பாத்திரத்தில் முட்டையை உடைத்து ஊற்றி அடித்து அதில் மேலே குறிப்பிட்டுள்ள அனைத்து பொருட்களையும் சேர்த்து கலக்கிக் கொள்ளவும். சீஸை துண்டு களாக்கியோ அல்லது துருவியோ சேர்க்கவும்.

நொண்ஸ்டிக் பேனில் முட்டை கலவையை ஒம்லெட்டாக ஊற்றி மூடி வைத்து வேக விடவும். மற்றொரு புறம் வேக விட அதை மீண்டும் பொறுமையாக திருப்பி மாற்றவும்.

உயிருக்கு ஆபத்தை விளைவிக்கும் காய்ச்சல்கள் !

இருபுறமும் வெந்ததும் இறக்கவும். பொட்டோட்டோ சீஸ் ஒம்லெட் தயார்.