வாழைப்பூவில் வைட்டமின் பி அதிகம் உள்ளது. இந்த பூவை அடிக்கடி சமைத்து உட்கொண்டு வந்தால் பெண்களுக்கு ஏற்படும் மாதவிடாய் வயிற்றுவலி மற்றும் குடல்புண், ரத்தபேதி, மூல நோய் ஆகியவை குணமாகும்.
கை, கால் எரிச்சலுக்கு வாழைப்பூவை இடித்து, அதில் விளக்கெண்ணெய் விட்டு வதக்கி, பாதிப்பு ஏற்பட்ட பகுதியில் ஒற்றடமிட்டு கட்டலாம். வெள்ளைப் படிதலால் பெண்கள் அதிக மன உளைச்சலுக்கு ஆளாக நேரிடுகின்றது.
இவர்கள் வாழைப்பூவை ரசம் செய்து அருந்தி வந்தால் வெள்ளைப்படுதல் கட்டுப்படும். வாழைப்பூவை இடித்து சாறு பிழிந்து, அதில் சிறிதளவு பனங்கற்கண்டு கலந்து குடித்து வந்தால் வெள்ளைப்படுதல், பெரும்பாடு, வயிற்றுக் கடுப்பு போன்றவை நீங்கும்.
இரத்தத்தில் கலந்துள்ள அதிகளவு சர்க்கரைப் பொருளைக் கரைத்து வெளியேற்ற வாழைப் பூவின் துவர்ப்புத் தன்மை அதிகம் உதவுகிறது.
வாழைப் பூவை வாரம் இருமுறை சமைத்து உண்டு வந்தால் இரத்தத்தில் கலந்துள்ள தேவையற்ற கொழுப்பு களைக் கரைத்து வெளியேற்றும்.
மேலும், வயிற்றுப்புண் நீங்க, மூல நோயாளிகளுக்கு, பெண்களுக்கு உண்டாகும் கருப்பைக் கோளாறுகள், மாத விடாயின் போது அதிக ரத்தப் போக்கு, வெள்ளைப் படுதல் உள்ளிட்ட நோய்களுக்கு சிறந்த மருந்து வாழைப்பூ ஆகும்.
வாழைப்பூ வடை, வாழைப்பூ பொரியல் செய்வது வழக்கம். சத்தான, சுவையான வாழைப்பூ துவையல் செய்வது பற்றி பார்க்கலாம்.
தேவையான் பொருட்கள் :
வாழைப்பூ - 1
மஞ்சள் தூள் - 1/4 தேக்கரண்டி
கடுகு - 1/2 தேக்கரண்டி
உளுத்தம் பருப்பு - 1-1/2 தேக்கரண்டி
வத்தல் மிளகாய் - 3
பெருங்காயம் - ஒரு சிட்டிகை
புளி விழுது - 1/4 தேக்கரண்டி
தேங்காய் - 2 மேஜைக்கரண்டி (துருவியது)
உப்பு, எண்ணெய் - தேவையான அளவு
செய்முறை :
வாழைப்பூவை நன்கு கழுவி சுத்தம் செய்து சிறிதாக நறுக்கி அதனுடன் தேவை யான அளவு நீர், உப்பு மற்றும் மஞ்சள் தூள் சேர்த்து குக்கரில் 2 விசில் வரும் வரை வேக வைக்கவும்.
கடையில் எண்ணெய் விட்டு சூடானதும் கடுகு, உளுத்தம் பருப்பு, பெருங் காயம், வத்தல் மிளகாய் போட்டு தாளித்து, பின்னர் புளி விழுது சேர்த்து 3 நொடிகள் வதக்கவும்.
பின்னர் வேக வைத்த வாழைப்பூவை சேர்த்து 2 நிமிடம் நன்றாக கிளறவும். அதன் பிறகு தேங்காய் துருவலை சேர்த்து அனைத்தும் நன்றாக வதங்கியதும் ஆற வைக்கவும்.
ஆறிய பிறகு மிக்சியில் போட்டு அதனுடன் உப்பு, சிறிது நீர் விட்டு கரகரப்பாக அரைத்து கொள்ளவும். இப்போது சுவையான வாழைப்பூ துவையல் ரெடி.
