ஆட்டு ஈரல் மிளகுத்தூள் வறுவல் செய்வது எப்படி?

ஆட்டு ஈரல் (Goat Liver) சாப்பிடுவதால் பலவிதமான நன்மைகள் உள்ளது. இதில் இரும்புச் சத்து குறைபாடு, ஹீமோகுளோபின் அளவு குறைபாடு இருந்தால் சாப்பிடச் சொல்லி பரிந்துரைப்பார்கள்.

பொதுவாக சிலர் இறைச்சியை அதிகம் விரும்பி சாப்பிடுவார்கள். ஆட்டு இறைச்சி,கோழி இறைச்சி, மாட்டு இறைச்சி,பன்றி இறைச்சி போன்று பல வகை உள்ளது.

வைட்டமின் பி12, வைட்டமின் ஏ, காப்பர், பாஸ்பரஸ், இரும்பு, தாமிரம் மற்றும் செலினியம் உள்ளிட்ட தாதுக்களின் ஊட்டச்சத்துக்கள் இருக்கிறது. மற்ற இறைச்சியை விட ஆட்டு இறைச்சியில் சத்துகள் அதிகமாக இருக்கும்.

அதிலும் ஆட்டு இறைச்சியின் பாகங்கள் சற்று ஆரோக்கியம் நிறைந்தே இருக்கும். நன்மைகள் ரத்த சோகையால் பாதிக்கப் பட்டவர்கள் வாரத்திற்கு ஒரு முறை ஈரல் சாப்பிடுவதால் ரத்தம் மளமளவென உடலில் அதிகரிக்க ஆரம்பித்து விடும்.

பித்தப்பை கற்கள் ஏன் உண்டாகிறது? எப்படி?

ரத்த சோகை குறைபாடு நீங்கும். ஊட்டச்சத்து குறைபாடு உள்ளவர்களுக்கும், ஈரல் ஒரு நல்ல ஒரு உணவாக இருக்கும். 

ஊட்டச்சத்து குறைபாட்டை நிவர்த்தி செய்யக் கூடிய எல்லா வகையான ஊட்டச் சத்துக்களும் ஈரலில் இவற்றில் இருக்கும். ஈரல் உடலில் நோய் எதிர்ப்புச்சக்தியையும் அதிகரிக்கும்.

ஆட்டு ஈரல் இது மென்மையாக இருப்பதால் சிறு குழந்தைகளும் விரும்பி சாப்பிடுவர். நல்லெண்ணெ யில் வேக வைப்பதால் கூடுதல் சத்து கிடைக்கும். இது குழந்தைகளு க்கு ஏற்ற சத்தான சுவையான உணவு

தேவையான பொருட்கள் :

ஈரல் – 500 கிராம்

சின்ன வெங்காயம் – 100 கிராம்

பச்சை மிளகாய் – 2

வர மிளகாய் – 4

மிளகுத்தூள் – 2 டேபிள் ஸ்பூன்

சீரகம் – 1 டீ ஸ்பூன்

மஞ்சள் தூள் – ஒரு டீ ஸ்பூன்

கறிவேப்பிலை – இரண்டு கொத்து

நல்லெண்ணை – 2 டேபிள் ஸ்பூன்

உப்பு - தேவையான அளவு

சிறுநீரக செயலிழப்பை கண்டறிவது எப்படி?

செய்முறை :

முதலில் ஆட்டு ஈரலை நன்றாக கழுவி சுத்தம் செய்து சிறு துண்டுகளாக நறுக்கிக் கொள்ளவும். அடுப்பில் வாணலியை வைத்து அதில் நல்லெண்ணெய் ஊற்றி ஆட்டு ஈரலை போடவும்,

அதனுடன் பொடியாக அறிந்த சின்ன வெங்காயம், கறிவேப்பிலை, பச்சை மிளகாய், சீரகம், மஞ்சள் தூள், உப்பு சேர்த்து நன்றாக கிளறவும். அதன்பின் அடுப்பை பற்ற வைக்க வேண்டும்.

அப்பொழுது சிறிதளவு தண்ணீர் ஊற்றி மூடி போட்டு வேக வைக்கவும். அப்பொழுது தான் ஈரலானது இறுகலாக இல்லாமல் மென்மையாக இருக்கும்.

ஈரல் முக்கால் பதம் வெந்தவுடன் நன்றாக கிளறவும். பின்னர் வரமிளகாய் கிள்ளிப் போட்டு மிளகு தூள் தூவி லேசாக தண்ணீர் விடவும். மிதமான தீயில் வைத்து வேக விடவும்.

அவ்வப்போது கரண்டி போட்டு கிளற வேண்டும். எண்ணெய் பிரிந்து வரும் போது அடுப்பை அணைத்து விடவும். அதன் மீது கொத்தமல்லி தழை தூவினால் காரமும் மணமும் கொண்ட மிளகு ஈரல் வறுவல் தயார்.