எலும்புகளை ஆரோக்கியமாக்கும் நாட்டுக்கோழி இறைச்சியில் பாஸ்பரஸ் மற்றும் கால்சியம் அதிகம் உள்ளது. எனவே அதனை சாப்பிடுவதால், எலும்புகள் நன்கு வலுவோடு ஆரோக்கியமாக இருக்கும்.
அதிலும் பெண்கள் இதனை அதிகம் சாப்பிடுவது சிறந்ததாக இருக்கும். நம்மூரில் நாட்டுக்கோழி தீமை என்று கூறுபவர் அதிகம்.
நாட்டுக் கோழியில் உள்ள B வைட்டமின்கள் கண்புரை மற்றும் தோல் கோளாறுகளைத் தடுக்கவும், நோய் எதிர்ப்பு சக்தியை அதிகரிக்கவும், பலவீனத்தை நீக்கவும், செரிமானத்தை மேன்படுத்தவும், நரம்பு மண்டலத்தை மேம்படுத்தவும் பயனுள்ளதாக இருக்கும்.
ஒற்றைத் தலைவலி, இதயக் கோளாறுகள், நரை முடி, அதிக கொழுப்பு மற்றும் நீரிழிவு நோயைத் தடுக்கவும் அவை உதவியாக இருக்கும்.
சிக்கனில் உள்ள வைட்டமின் D கால்சியம் உறிஞ்சுதலை அதிகப்படுத்தும், அதனால் எலும்பு வலுப்பெரும்.
வைட்டமின் A கண்பார்வையை மேன்படுத்தும் மற்றும் இரும்பு போன்ற தாதுக்கள் ஹீமோகுளோபின் உருவாக்க உதவும், மேலும் தசை செயல்பாடு மற்றும் இரத்த சோகையை அகற்ற உதவுகின்றன.
அசைவங்களில் நிறைய வகைகள் இருந்தாலும், குழந்தைகள் விரும்பி உண்பது சிக்கன். சிக்கனில் பல வகை உணுவுகளை தயார் செய்யலாம்.
அதிலும் இந்த ஸ்டியூ சிக்கன் குழந்தைகள் மட்டுமல்லாது பெரியவர்களும் விரும்பி உண்பர். இதனை பிராய்லர் சிக்கன் பயன்படுத்தி செய்யாமல் நாட்டுக் கோழியில் செய்தால் இதன் சுவை ஆஹா!!
தேவையான பொருட்கள் :
எலும்புடன் உள்ள சிக்கன் - 250 கிராம்
உருளைக் கிழங்கு - 1
காரட் - 1
பச்சை மிளகாய் - 2
வெங்காயம் - 2
இஞ்சி பூண்டு விழுது தேங்காய் துருவல் - கால் மூடி
மஞ்சள் தூள் 1 ஸ்பூன்
உப்பு - தேவையான அளவு
எண்ணெய் - தேவையான அளவு
கறிவேப்பிலை, கொத்தமல்லி இலை - சிறிதளவு
செய்முறை :
முதலில் வாங்கி வைத்துள்ள கறியும், எலும்புகளை யும் சுத்தம் செய்து வைத்துக் கொள்ளவும். அதன் பின் இஞ்சி - பூண்டு, தேங்காய் ஆகியவற்றை மிக்சியில் போட்டு அரைத்து எடுத்துக் கொள்ளவும்.
பின்னர் வாணலியை அடுப்பில் வைத்து காய்ந்தவுடன் எண்ணெய் ஊற்றி நறுக்கிய வெங்காயம், இஞ்சி பூண்டு விழுது, பச்சை மிளகாய் போட்டு வதக்கவும்.
வெங்காயம் பொன்னிறமாக வதங்கிய பின்னர் சுத்தம் செய்து வைத்துள்ள கறியை கொட்டி மஞ்சள் தூள் சேர்த்து கொஞ்சம் தண்ணீர் விட்டு வேக வைக்கவும்.
கறி வெந்தவுடன், உருளைக் கிழங்கு, காரட், உப்பு வெங்காயம் சேர்த்து மீண்டும் வேக விடவும். நன்கு வெந்தவுடன் தேங்காய் துருவல் கொட்டி கிளறி பின்னர் கறிவேப்பிலை, கொத்தமல்லி போட்டு இறக்கவும்.
சுவையான ஸ்டியூ சிக்கன் ரெடி.. வாங்க சமைக்கலாம் சாப்பிடலாம்
