ருசியான தக்காளி பிரைட் ரைஸ் செய்வது எப்படி? #friedrice

சாம்பார், புளிக் குழம்பு, சட்னி, கிரேவி, அசைவ சமையல் என்ற எது ஒன்றை எடுத்துக் கொண்டாலும் தக்காளியை தவிர்க்க இயலாது. ரத்தச் சிவப்பு நிறத்தில் உள்ள தக்காளியை ஸ்நாக்ஸ் போல பச்சையாகவே சாப்பிடும் பழக்கம் பலருக்கு உள்ளது. 

சமையலில் அது கொடுக்கும் மனமும், புளிப்புச் சுவையும் அலாதியானது. அது மட்டுமல்லாமல் ஊட்டச்சத்துக்களும் தக்காளியில் நிரம்பியுள்ளன.

இத்தகைய தக்காளியை தினசரி சாப்பிடுவதால் அல்லது அளவுக்கு மிகுதியாக எடுத்துக் கொள்வதால் நமக்கு ஏதேனும் பாதிப்பு ஏற்படுமா என்பது குறித்து கவனிக்க வேண்டியுள்ளது. 

இது குறித்து ஹைதராபாதைச் சேர்ந்த மூத்த மருத்துவர் சோம்நாத் குப்தா கூறுகையில், தக்காளியில் விட்டமின்கள், மினரல்கள், ஆண்டி ஆக்ஸிடெண்ட் ஆகிய சத்துக்கள் உள்ளன.

ரத்தக் குழாய் நோய்களால் ஏற்படக்கூடிய உயிரிழப்பு ?

தக்காளியில் விட்டமின் சி மற்றும் விட்டமின் கே ஆகிய சத்துக்கள் உள்ளன. அதே போல பொட்டாசியம் சத்தும் உள்ளது. விட்டமின் சி சத்தானது சரும ஆரோக்கியத்திற்கு உதவியாக அமைகிறது. 

விட்டமின் கே சத்தானது ரத்தத்தை உறைய வைப்பதற்கும், எலும்புகளின் ஆரோக்கியத்திற்கும் அவசியமானதாகும். பொட்டாசியம் சத்தானது உயர் ரத்த அழுத்தத்தை குறைக்கிறது.

தக்காளியில் நிறைவான நீர்ச்சத்தும், குறைவான கலோரியும் இருப்பதால் உடல் எடையை குறைக்க இது உதவியாக அமையும். அது மட்டுமல்லாமல், தக்காளியில் உள்ள நார்ச்சத்து, வயிறு நிரம்பிய உணர்வை தருவதால் பசி கட்டுப்படுத்தப் படுகிறது. 

சரி இனி தக்காளி பயன்படுத்தி ருசியான தக்காளி பிரைட் ரைஸ் செய்வது எப்படி? என்று இந்த பதிவில் கண்போம்.  

தேவையானவை 

பாசுமதி அரிசி - 1 கப் 

பெரிய வெங்காயம் - 1 

தக்காளி பெரிய சைஸ் - 2 

புதினா (ஆய்ந்தது) - 1 கப் 

இஞ்சி பூண்டு விழுது - 1 டீஸ்பூன் 

பச்சை மிளகாய் - 2 

தேங்காய் பால் - 1 கப் 

தண்ணீர் - 1 கப் 

உப்பு - தேவையான அளவு 

முந்திரிப் பருப்பு - 10 

பட்டை, கிராம்புத் தூள் - 1/2 டீஸ்பூன்

நெய், எண்ணெய் - 4 டேபிள் ஸ்பூன் 

மழைக் காலத்தில் பரவும் நோய்கள் என்ன?

செய்முறை 

தக்காளி, புதினா, பச்சை மிளகாய், நறுக்கிய வெங்காயத்தில் சிறிது ஆகியவ ற்றை மிக்சியில் போட்டு நைசாக அரைக்கவும். 

வாணலியில் நெய், எண்ணெய் கலவையை விட்டு பட்டை, கிராம்புத் தூள் போட்டு தாளித்து இஞ்சி பூண்டு விழுது சேர்த்து சிவக்க விடவும். பிறகு நறுக்கிய பெரிய வெங்காயத்தை சேர்த்து வதக்கவும். 

வதங்கியதும் அரைத்த தக்காளி விழுது, தேவையான அளவு உப்பு சேர்த்து கொதிக்க விடவும். குக்கரில் பாசுமதி அரிசியைப் போட்டு, வதக்கிய கலவையைச் சேர்க்கவும்.

கால்சியம் குறை பாட்டினால் வரக்கூடிய வலிகள் !

அத்துடன் தேங்காய்ப் பால், தண்ணீர் தலா ஒரு கப் சேர்த்து உப்பு தேவையான அளவு சேர்த்து மூடி வைத்து வேகவிடவும். வெந்ததும் தக்காளி பிரைடு ரைஸ் ரெடி. இதற்கு தொட்டுக் கொள்ள வெங்காய தயிர் பச்சடி ஏற்றது.