ருசியான தேன் கேக் செய்வது எப்படி?

தேன் சர்க்கரைக்கு மாற்றான ஒரு ஆரோக்கியமான உணவுப்பொருள். எனவே தான், நாம் பல விஷயங்களுக்கு தேனை பயன்படுத்துகிறோம். ஆனால், அளவுக்கு அதிகமாக நீங்கள் தேனை உட்கொண்டால் அதிக தீங்கு விளைவிக்கும். 

இதில் நன்மை நிறைந்துள்ள அளவுக்கு தீமைகளும் உள்ளன. இதில், வைட்டமின் பி, அமினோ அமிலங்கள், தாதுக்கள், ஆக்ஸிஜனேற்றிகள் மற்றும் வைட்டமின் சி ஆகியவை உள்ளது. 

தேனில் உள்ள ஆன்டி ஆக்ஸிடன்ட்கள் அழற்சி எதிர்ப்பு பண்புகளைக் கொண்டுள்ளன மற்றும் பல ஆரோக்கிய நன்மைகளை வழங்கக்கூடும். இது காயங்களை விரைவில் குணப்படுத்தும். 

அனைவரும் அறிய வேண்டிய மருத்துவக் குறிப்பு !

இருமல் மற்றும் தொண்டை புண் ஆகியவற்றை எளிதாக்க குணமாக்கும். எனினும் இந்த தேனை அளவுக்கு அதிகமாக எடுத்துக் கொள்வது பல பக்க விளைவுகளுக்கு வழிவகுக்கிறது. 

தேன் ஒரு இனிமையான பொருள் என்பதால், நாம் சர்க்கரைக்கு மாற்றாய் அதிகம் பன்படுத்துகிறோம். தேனின் அளவுக்கு அதிகமான இந்த பயன்பாடு, ஈறுகளில் வாழும் பாக்டீரியாக்களுக்கு தீனி போட்டு, பல் சிதைவுக்கு வழிவகுக்கிறது.

தேவையானவை

மைதா மாவு - 100 கிராம்

தேன் - 60 மிலி

முட்டை - 5

கேஸ்டர் சுகர் - 150 கிராம்

பேக்கிங் பவுடர் - முக்கால் டீஸ்பூன்

வெனிலா எசன்ஸ் - கால் டீஸ்பூன்

செய்முறை :

முதலில் ஒரு பாத்திரத்தில் முட்டையை உடைத்து ஊற்றி நன்கு அடித்துக் கொள்ளவும்.மைதா மாவை சலித்து வைத்துக் கொள்ளவும். முட்டையுடன் கேஸ்டர் சுகரை சேர்த்து அடிக்கவும்.

அதன் பின்னர் இந்த கலவையில் தேனை சேர்த்து நன்கு அடிக்கவும். கலவை ரிப்பன் பதத்திற்கு வரும் வரை சுமார் 10 நிமிடங்கள் அடிக்கவும்.

மேலும் இதனுடன் எசன்ஸ் ஊற்றி கலந்து அதில் மாவை சிறிது சிறிதாக தூவி கலக்கவும். மாவை கலக்க மட்டும், பீட்டரை பயன்படுத்தாமல் கரண்டியை போட்டு மென்மையாக கலக்கவும்.

தினமும் ஒரு ஸ்பூன் பெட்ரோலியம் ஜெல்லி !

ஓவனை 350 F முற்சூடு செய்யவும். எல்லாம் ஒன்றாக சேரும்படி நன்றாக கலந்து வைத்துக் கொள்ளவும்.

பேக்கிங் ட்ரேயில் ஃபாயில் பேப்பரை போட்டு பின் கலவையை அதில் ஊற்றவும். பின் கலவையை 30 நிமிடங்கள் ஓவனில் வைத்து பேக் செய்து எடுக்கவும்.

குறிப்பு

உங்களுக்கு பிடித்தமான கேக் செய்ய முதலில் எப்போதும் மாவு தண்ணீர் மற்றும் சர்க்கரை அளவு சரியாக இருக்க வேண்டும். பிறகு கேக் தேவையான பொருட்கள் கொண்ட உங்கள் பிடித்தமான கேக் வகைகள் செய்து சுவைக்கலாம்.