மீன் உணவு சாப்பிட்டால் மன அழுத்த நோய் வராமல் தடுக்கலாம் என்று ஆய்வுகள் சொல்கின்றன. புரோட்டின், விட்டமின், கால்சியம், பாஸ்பரஸ், இரும்பு, அயோடின், மெக்னீசியம் என பல சத்துக்கள் நிறைந்திருக்கின்றன.
சிலவகை மீன்களில் அதிகளவில் ஒமேகா 3 நிறைந்துள்ளதால், இதனை சாப்பிடுமாறு மருத்துவர்களே பரிந்துரைக்கிறார்கள்.
பொதுவாகவே சிறிய வகை மீன்களில் ஒமேகா 3 கொழுப்பு அமிலங்கள் அதிகமாக இருப்பதாக ஊட்டச்சத்து நிபுணர்கள் கூறுகின்றனர்.
ஏனெனில் இவை கடல்பாசியை அதிகமாக உண்டு வாழ்வதால் ஒமேகா 3 அதிகமாக இருப்பதாக கூறப்படுகிறது. அந்தவகையில் சால்மன் மீன்களில் ஒமேகா 3 கொழுப்பு அமிலங்கள் நிறைவாக இருக்கிறது.
சமீபத்தில் மேற்கொள்ளப்பட்ட ஆராய்ச்சியில் மீன் சாப்பிடுவதால் இதய நோய்கள் குணமாகும் என தெரியவந்துள்ளது.
சிலவகை மீன்களில் அதிகளவில் ஒமேகா 3 நிறைந்துள்ளதால், இதனை சாப்பிடுமாறு மருத்துவர்கள் பரிந்துரைக்கின்றனர். மீன் உணவு, மூளைக்கு சிறந்த உணவு என கூறப்படுகிறது.
வாரத்திற்கு ஒரு முறையாவது உணவுடன் மீனை சேர்த்து கொள்வது நல்லது.பக்குவமாக மீன் குழம்பு வைத்தாலே வாசனை ஊரைத் தூக்கும்.
இது செட்டி நாட்டு மீன் குழம்பு.பின் வரும் பக்குவத்தில் இதை வைக்கும் போதே மூக்கு அந்த வாசனையை மோப்பம் பிடிக்கும். வாயை ஆஹா சொல்ல வைக்கும்.
தேவையான பொருட்கள்:
மீன் - 1/2 கிலோ
வெங்காயம் - 200 கிராம்
தக்காளி - 200 கிராம்
பூண்டு (உரித்தது )- ஒரு கைப்பிடியளவு
மஞ்சள் தூள் - 1/4 டீஸ்பூன்
மிளகாய்த் தூள் - 2 டீஸ்பூன்
தனியாத் தூள் - 2 டீஸ்பூன்
புளி - எலுமிச்சம்பழ அளவு
உப்பு, எண்ணெய் - தேவைக்கேற்ப
தாளிக்க:
கடுகு , கறிவேப்பிலை, காய்ந்த மிளகாய்
அரைக்க:
தேங்காய்த் துருவல்-1/2 மூடி
செய்முறை:
மீனை சுத்தம் செய்து கொள்ளவும். புளியை கரைத்து அதிலேயே மஞ்சள் தூள், மிளகாய்த் தூள், தனியாத் தூள், உப்பு போட்டு கலக்கவும்.
கடாயில் எண்ணெயைக் காய வைத்து, காய்ந்ததும் கடுகு, காய்ந்த மிளகாய், கறிவேப்பிலை போட்டு தாளிக்கவும். புளித்தண்ணீரை ஊற்றி கொதிக்க விடவும். அரைத்த தேங்காய்த் துருவலையும் சேர்க்கவும்.
குழம்பு கொதிக்கும் போது மீனைப் போட்டு இறக்கவும். இப்போது மணக்கும் செட்டி நாட்டு மீன் குழம்பு ரெடி. இந்த செட்டி நாட்டு மீன் குழம்புக்கு இன்றளவும் மவுசு அதிகம்.
