உங்கள் வீட்டில் உள்ளோர் பாஸ்தாவை விரும்பி சாப்பிடுவார்களா? ஆனால் உங்களுக்கு நல்ல சுவையில் பாஸ்தா செய்யத் தெரியாதா? பொதுவாக பாஸ்தா செய்வது மிகவும் சுலபம்.
அதுவும் நம் வீட்டுச் சமையலறையில் உள்ள சில பொருட்களைக் கொண்டே நல்ல அற்புதமான ருசியில் மசாலா பாஸ்தாவை செய்யலாம். பாஸ்தாவை இன்னும் சத்தானதாக மாற்ற, அவற்றுடன் உங்களுக்கு விருப்பமான காய்கறிகளை சேர்த்துக் கொள்ளலாம்.
பாஸ்தாவை காலை உணவாக மட்டுமின்றி, இரவு உணவாகவும் சாப்பிலாம். பாஸ்தாவில் அதிகப்படியான கார்போஹைட்ரேட் உள்ளதால் இது நம் உடலின் செயல்பாட்டுக்கு எரிபொருளாக அமைகிறது.
சிலர் பாஸ்தாவை சாப்பிடக்கூடாது என்று சொல்வதற்கு முக்கிய காரணமே அதில் உள்ள அதிகப்படியான கார்போஹைட்ரேட் தான். பாஸ்தாவில் ப்ரோடீன், மினரல்ஸ், நார்சத்து உள்ளிட்ட பல நன்மைகளும் அடங்கியுள்ளது.
இவை அனைத்தும் பாஸ்தாவின் தரத்துக்கு ஏற்றவாறு மாறுபடும். ஆதாவது பாஸ்தா பல வடிவங்களில் விற்கப்படுகிறது. சங்கு, நூடுல்ஸ் உள்ளிட்ட பல டிசைன்களில் பாஸ்தா விற்கப்படுகிறது.
மேற்கத்திய நாடுகளில் பாஸ்தாவை கோதுமை பயன்படுத்தி தயாரிக்கின்றனர். சில இடங்களில் மைதா மாவை பயன்படுத்தி பாஸ்தா தயாரிக்கப் படுகிறது.
இவை இரண்டுக்கும் வெவ்வேறு குணாதிசயங்கள் உள்ளன. கோதுமை பயன்படுத்தி தயாரிக்கப்பட்ட பாஸ்தாவில் அதிகளவு ஊட்டச்சத்து அடங்கியுள்ளது.
உடலுக்கு தேவையான சக்தியை கோதுமை பாஸ்தா தருகிறது. மைதா மாவில் தயாரிக்கப்பட்ட பாஸ்தா உடலுக்கு தேவையான சத்துக்களை தருவதில்லை. இன்னும் சொல்லப்போனால் மைதா பாஸ்தா உடல் எடையை எதிகாரிகச் செய்து விடும்.
இரத்தத்தில் சக்கரையின் அளவையும் அதிகரித்து விடும். ஆகையால் எந்த வகை பாஸ்தாவை எடுத்துக்கொள்கிறோம் என்பதில் தான் கவனம் வேண்டும்.
தூங்காமல் வாகனம் ஓட்ட கண்டுபிடித்த கண்ணாடி !
தேவையானவை
பாஸ்தா - ஒரு கப்
பூண்டு - 2
மிளகு தூள் - அரை தேக்கரண்டி
ஆலிவ் எண்ணெய் / பட்டர் - ஒன்றரை தேக்கரண்டி
ட்ரைட் பார்ஸ்லி, ரோஸ்மேரி, தைம், ஒரிகனோ - கால் தேக்கரண்டி
பால் - 2 மேசைக் கரண்டி
சீஸ் - ஒரு மேசைக் கரண்டி
காரட், பட்டாணி, சோளம், ப்ரோக்கலி - கால் கப்
உப்பு - தேவையான அளவு
செய்முறை :
முதலில் வெங்காயம், பூண்டு, காரட், ப்ரோக்கலி அனைத்தையும் பொடியாக நறுக்கிக் கொள்ளவும். ஒரு பாத்திரத்தில் தண்ணீர் ஊற்றி உப்பு சேர்த்து நன்கு கொதித்ததும் பாஸ்தா சேர்த்து 8 முதல் 10 நிமிடம் வரை வேக வைக்கவும்
(பாஸ்தா வகையை பொருத்து வேகும் நேரம் மாறலாம்). வெந்ததும் தண்ணீரை முற்றிலும் வடிக்கட்டி மேலே அரை தேக்கரண்டி எண்ணெய் தெளித்து ஆற விடவும்.
பின்பு வாணலியில் ஒரு தேக்கரண்டி எண்ணெய் அல்லது பட்டர் ஊற்றி சூடானதும் பொடியாக நறுக்கிய பூண்டு, வெங்காயம், காய்கறிகள் சேர்த்து வாசம் வரும் வரை வதக்கவும்.
வதக்கிய வற்றுடன் பால் சேர்த்து ட்ரைட் பார்ஸ்லி, ரோஸ்மேரி, தைம், ஒரிகனோ, மிளகு தூள், உப்பு சேர்க்கவும். வேக வைத்த பாஸ்தாவை சேர்த்து கிளறவும். உடனே அடுப்பை அணைத்து விட்டு மேலே சீஸ் தூவி பரிமாறவும்.
சுலபமாக செய்யக் கூடிய சுவையான கிட்ஸ் பாஸ்தா ரெடி.பரிமாறவும்.
