ரவையில் இருந்து தயாரிக்கப்படும் உணவு ஒருபுறம் மிகவும் சுவையாகத் இருந்தாலும், மற்றொரு புறம் அது ஆரோக்கியத்திற்கும் மிகவும் நன்மை பயக்கும்.
சிலர் காலை உணவுகளில் மட்டும் அல்ல இனிப்பு வகைகளில் கூட இதை அதிகம் பயன்படுத்துகின்றனர். கோதுமையில் ஆரோக்கியமான கார்போ ஹைட்ரேட் உள்ளது,
இது உடலின் சக்தியை அதிகரிக்க வல்லது. ரவை கோதுமை யிலிருந்து தயாரிக்கப் படுவதால் இது உடலின் சத்தியை அதிகரிக்க உதவுகிறது. அதனால் ரவையை கட்டாயமாக உணவில் சேர்த்துக் கொள்ளுங்கள்.
ரவையில் இரும்புச்சத்து அதிகம் இருக்கிறது, இதனால் உடலில் அதன் குறைபாட்டைத் தடுக்கும். இரும்புச்சத்து நிறைந்த உணவுகளை உட்கொள்ளும் போது, அது இரத்த ஓட்டத்தை மேம்படுத்த உதவுகிறது.
எனவே, உங்களுக்கு இரத்த சோகை பிரச்சனை இருந்தால், ரவையால் செய்யப்பட்ட உணவு வகைகளை உங்கள் உணவில் சேர்த்துக் கொள்ள வேண்டும்.
ரவை ஆரோக்கியமான நரம்பு மண்டலத்தை பராமரிக்கவும் உதவுகிறது. இதில் மெக்னீசியம், ஜிங்க் மற்றும் பாஸ்பரஸ் போன்ற சத்துக்கள் நிறைந்துள்ளது.
கோதுமை ரவை உங்கள் இதய ஆரோக்கியத்தை மேம்படுத்த செய்கிறது. ரவையில் அதிகமாகவே செலினியம் சத்து இருப்பதால் இது தொற்றுநோய்களை தடுக்க செய்கிறது.
உடலில் நோய் எதிர்ப்பு சக்தியை பலப்படுத்துகிறது. இதய ஆரோக்கியத்தை மேம்படுத்தும் உணவு வகைகளில் கோதுமை ரவையும் முக்கியமானது.
என்னென்ன தேவை?
கோதுமை ரவா - 1/2 கப்
பால் – 1 கப்
தண்ணீர் – 1 கப்
சர்க்கரை – 3/4 கப்
ஏலக்காய்த் தூள் - 1/2 தேக்கரண்டி
நெய் – 1 டீஸ்பூன்
முந்திரி பருப்பு – சிறிதளவு
காய்ந்த திராட்சை - சிறிதளவு
கேசரி பவுடர் - சிறிதளவு
கிச்சனில் பாத்திரம் கழுவும் தொட்டியை மின்ன வைக்க !
எப்படி செய்வது?
குக்கரை அடுப்பில் வைத்து நெய் ஊற்றவும். அதில் கோதுமை ரவா சேர்த்து சில நிமிடங்கள் வறுக்கவும். அதில் பால் ஊற்றவும் அடுத்து தண்ணீர் கலந்து கிளறி குக்கரை மூடி 2 விசில் வைத்து வேக விடவும்.
பின்னர் சர்க்கரை சேர்த்து கிளறி சில நிமிடங்களுக்கு பிறகு கேசரி பவுடர் கலந்து கெட்டியாக வரும் வரை கிளறவும்.
ஒரு கடாயை அடுப்பில் வைத்து நெய் ஊற்றி காய்ந்த திராட்சை போட்டு வறுத்து கேசரியுடன் சேர்த்து கலந்தால் கோதுமை ரவா கேசரி ரெடி.
