பச்சைப் பூண்டில் அல்லிசின் அதிகம் உள்ளது. இது பல ஆரோக்கிய நன்மைகளைக் கொண்ட கந்தக கலவை. இது நிச்சயமாக ஆரோக்கியத்திற்கு நல்லது.
இது ஊட்டச்சத்துகளை வழங்குவது மட்டுமல்லாமல், ப்ரீபயாடிக் நார்ச்சத்துக்கான சிறந்த ஆதாரமாகவும் உள்ளது. உங்கள் குடலில் உள்ள நல்ல பாக்டீரியாக்களை வளர்ப்பது முக்கியம்.
குடலில் உள்ள இந்த நல்ல பாக்டீரியாக்களுக்கு செரிமான அமைப்பை ஆரோக்கியமாகவும் சரியாகவும் வைத்திருக்க நார்ச்சத்து தேவை.கை வைத்தியத்துக்கு சிறந்தது பூண்டு.
அதன் மருத்துவக் குணங்களைப் பற்றி நிறைய தெரிந்து வைத்திருந்தாலும், நாம் அதை எளிதில் மறந்து விடுவோம். அதனால் தான் என்னவோ நம் முன்னோர்கள் சமையலில் பூண்டை அதிகம் பயன்படுத்த நம்மை பழக்கப் படுத்தி விட்டனர்.
அன்றாட உணவில் பூண்டை சேர்ப்பதன் மூலம் நமக்கு கிடைக்கும் நன்மைகளில் சில.......
குழந்தை பெற்ற பெண்களுக்கு தினந்தோறும் இரவில் பாலில் பூண்டு போட்டு காய்ச்சிக் கொடுத்தால் தாய்ப்பால் பெருகுவதுடன் வயிற்று உப்புசம், பொருமல் எதுவும் வராது.
கர்ப்பப் பையில் சேர்ந்துள்ள அழுக்கை அகற்றும் தன்மை பூண்டிற்கு உண்டு. தசைவலி இருக்கும் இடத்தில் பூண்டை நசுக்கி வைத்துக் கட்டினால் வலி சீக்கிரம் குறையும்.
உடம்பில் கொழுப்பு சேர விடாமல் தடுக்கும் ஆற்றல் பூண்டுக்கு உண்டு. ஆகையால் தான் கரையாத கொழுப்பு சத்து உள்ள மாமிச உணவு சமைக்கும் போது பூண்டை அவசியம் சேர்க்கின்றனர்.
இரவு உணவுடன் பச்சையாகவோ அல்லது பாலிலோ மூன்று பூண்டு பற்களை சாப்பிட்டால் ஆழ்ந்த உறக்கம் ஏற்படும்.
கனவுத் தொல்லை இருக்காது.
பூண்டிற்கு ரத்த அழுத்தத்தைக் கண்டிக்கும் சக்தி உண்டு. அதனோடு இதய தசைகளையும் ரத்தக் குழாய் தசைகளையும் வலுப்படுத்தும் சக்தி பூண்டிற்கு உண்டு.
பூண்டு ஒரு நார்சத்து மிகுந்த உணவு என்பதால் மலச்சிக்கலை அகற்றும் குணம் பூண்டிற்கு உண்டு.
பூண்டை உணவில் சேர்த்துக் கொள்ளும் வாய்ப்பு இல்லாதவர்கள் பூண்டு மாத்திரைகளை சாப்பிடலாம். இதனால் வயிற்று உப்பிசம் நீங்கி, தொப்பை குறையும் வாய்ப்பு அதிகம்.
பூண்டை அதிகமாக எடுத்துக் கொள்வது கல்லீரல் பிரச்னையை உண்டாக்கும். உடலில் ஏதேனும் காயம் ஏற்பட்டால் இரத்தம் கசியும் அபாயம் அதிகம்.
ஏனெனில் பூண்டில் உள்ள ஆன்டித்ரோம்போடிக் பண்புகள் இரத்த உறைதலை குறைக்கும் என்று கூறப்படுகிறது. பூண்டு ஆக்ஸிஜனேற்றத்தின் வளமான மூலமாகும் மற்றும் ஆக்ஸிஜனேற்ற சேதத்திலிருந்து ஆரோக்கியத்தைப் பாதுகாக்கிறது.
பூண்டு கொலஸ்ட்ரால் மற்றும் இதய நோய் அபாயத்தைக் குறைக்கும் அதே வேளையில், இது அல்சைமர் நோயைத் தடுப்பதிலும் செயல்படுகிறது, இது நினைவாற்றல் மற்றும் மூளை செல்களை இழக்கும் பொதுவான மூளைக் கோளாறுகளில் ஒன்றாகும்.
இரானில் 2016ஆம் ஆண்டு நடத்தப்பட்ட ஆய்வில், பங்கேற்பாளர்கள் 20 கிராம் பூண்டு மற்றும் ஒரு தேக்கரண்டி எலுமிச்சை சாறு ஆகியவற்றின் கலவையை 8 வாரங்களுக்கு தினமும் எடுத்துக் கொண்டனர்.
முடிவுகள் நேர்மறையாக இருந்தன. இந்தப் பரிசோதனையில் கொழுப்பு, ரத்த அழுத்தம் இரண்டும் குறைவதாகக் காட்டப்பட்டுள்ளது.
அதே ஆண்டில் வெளியிடப்பட்ட மற்றோர் ஆய்வில், பூண்டு ரத்த அழுத்தத்தைக் குறைக்கும் என்று தெரிவிக்கப் பட்டுள்ளது.
