சுவையான கொத்துக்கறி புலாவ் செய்வது எப்படி?

உடல் ஆரோக்கியம் சிறப்பாக இருக்க விரும்புகிறீர்களா? நீங்கள் அசைவ பிரியரா? அப்படியானால் உங்கள் உணவில் ஆட்டுக்கறி / மட்டனை தவறாமல் சேர்த்து வாருங்கள். 

நிறைய பேர் ஆட்டுக்கறி / மட்டன் உடலில் கொலஸ்ட்ராலை அதிகரிக்கும் என்று நினைத்து, மட்டன் சாப்பிடுவதைத் தவிர்த்து வருகிறார்கள். ஆனால் உண்மையில் மட்டனை உணவில் சேர்ப்பதன் மூலம், உடல் ஆரோக்கியத்தை சிறப்பாக பேண முடியும். 

ஏனெனில் ஆட்டுக்கறியில் வைட்டமின் பி6, வைட்டமின் பி12, வைட்டமின் ஈ, பாஸ்பரஸ், செலினியம், இரும்புச்சத்து போன்றவை அதிகம் உள்ளன. 

இது தவிர மட்டனில் ஜிங்க், புரோட்டீன், ஆரோக்கியமான கொழுப்புக்கள், அத்தியாவசிய கொழுப்பு அமிலங்கள், போன்றவையும் உள்ளன. 

நுண்ணுயிர்க் கொல்லி மாத்திரைகளால் ஏற்படும் ஆபத்து என்ன?

முக்கியமாக மற்ற அசைவ புரோட்டீன் உணவுகளுடன் ஒப்பிடுகையில், ஆட்டுக்கறியில் கலோரிகள் குறைவு. எனவே ஆட்டுக்கறியை அடிக்கடி சாப்பிடா விட்டாலும், வாரம் ஒருமுறை உட்கொண்டு வந்தால், உடல் ஆரோக்கியமாக இருக்கும். 

நிறைய பேர் மட்டன் உடல் எடையை அதிகரிக்கச் செய்யும் என்று நினைத்துக் கொண்டிருக்கிறார்கள். ஆனால் உண்மையில் மட்டன் ஒருவரது உடல் எடையைக் குறைக்க உதவி புரியும். 

ஏனெனில் மட்டனில் புரோட்டீன்கள் மற்றும் பிற அத்தியாவசிய ஊட்டச்சத்துக்கள் அதிகம் உள்ளன. எனவே மட்டனை உட்கொள்ளும் போது, அது நீண்ட நேரம் வயிறு நிரம்பிய உணர்வை அளித்து, கண்ட உணவுகளின் மீதான நாட்டத்தைக் குறைக்கிறது. 

இதன் மூலம் உடல் எடை குறைய மட்டன் உதவுகிறது. இது தவிர மட்டனில் ஒமேகா-3 கொழுப்பு அமிலங்கள் உள்ளன. 

இவை உடலின் மெட்டபாலிசத்தை அதிகரித்து, உடலில் கொழுப்புக்கள் தேங்குவதைக் குறைக்க உதவுகிறது. எனவே எடையைக் குறைக்க நினைப்போர் மட்டனை தங்கள் உணவில் சேர்ப்பது மிகவும் நல்லது.

பார்க்கின்சன் நோயை வெல்ல என்ன செய்வது?

தேவையான பொருட்கள்:

கொத்துக்கறி – அரைக் கிலோ

சாதம் – 2 கப்

வெங்காயம் – ஒன்று (நீளமாக நறுக்கவும்)

இஞ்சி பூண்டு விழுது – ஒரு தேக்கரண்டி

புதினா – கைப்பிடி

பச்சை மிளகாய் – 4 (நீளமாக நறுக்கவும்)

மஞ்சள் தூள் – அரை தேக்கரண்டி

உப்பு

தாளிக்க :

எண்ணெய்

பிரிஞ்சி இலை

பட்டை

செய்முறை :

குக்கரில் கொத்துக் கறியுடன் சிறிது உப்பு, மஞ்சள் தூள் மற்றும் இஞ்சி பூண்டு விழுது சேர்த்து கால் கப் தண்ணீர் ஊற்றி 2 விசில் வரும் வரை வேக வைக்கவும். 

சாதத்தை சிறிது உப்பு போட்டு உதிரியாக வடித்து வைக்கவும். ஒரு கடாயில் தாளிக்க கொடுத்த வற்றை சேர்த்து தாளித்து நீளமாக நறுக்கிய வெங்காயம் போட்டு வதக்கவும். 

அதனுடன் நீளமாக நறுக்கிய பச்சை மிளகாய் மற்றும் நறுக்கிய புதினா இலைகளை சேர்த்து மேலும் 2 நிமிடங்கள் வதக்கவும். 

நிலவேம்புக் குடிநீர் எப்போது குடிக்க வேண்டும்?

பின்னர் அதனுடன் வேக வைத்த கொத்துக் கறி சேர்த்து தேவைப்பட்டால் உப்பு போட்டு நீர் சுண்டும் வரை கிளறவும். கொத்துக் கறி கலவையுடன் வடித்த சாதத்தை சேர்த்து கிளறி இறக்கவும். 

சுவையான கொத்துக் கறி புலாவ் ரெடி. சூடாக பரிமாறவும்.