அணுக்கள் சேதமடையாமல் பார்த்துக் கொள்வதோடு செக்ஸ் ஆர்கன்களைத் தூண்டி, உடலை வெப்பமேற்றி, செக்ஸ் ஆர்வத்தைத் தூண்டிவிடும் தன்மையும் இதற்கு உண்டு.
நண்டுகள் எப்போதுமே, உடல் உஷ்ணத்தைத் தூண்டிவிடும் என்பதால் தான், மழைக் காலங்களில் நண்டு அதிகம் சாப்பிட சொல்வார்கள்.
சூப் வைத்து, மிளகு சேர்த்து சாப்பிடும் போது, சளி, இருமல், நெஞ்சு சளி போன்ற சுவாச கோளாறுகளுக்கும் நிவாரணம் கிடைக்கிறது.
நண்டுகளை சாப்பிடுவதன் மூலம் மனிதர்களின் நடவடிக்கையில் மாறுபாடுகள் ஏற்படும் என்று சில ஆராய்ச்சியாளர்கள் பரிந்துரைக்கிறார்கள்.
நண்டுவில் நிறைய செலீனியம் உள்ளது. நம்முடைய உடலில் உள்ள திசுக்கள் மற்றும் செல்களில் ஏற்படும் சேதத்தினை தடுக்க இந்த செலீனியம் சத்துக்கள் உதவுகின்றன.
செலீனியம், தைராய்டு சுரப்பிகளின் ஆக்சிஜனேற்ற சேதங்களை தடுப்பதன் மூலம், அவற்றின் சீரான செயல்பாடுகளுக்கு உதவுகிறது. இதன் மூலம் தைராய்டு ஹார்மோன் உற்பத்திக்கும் தூண்டுகோலாகிறது.
விடுமுறை நாட்களில் எப்போதும் சிக்கன், மட்டன் என்று செய்து சுவைக்காமல், நன்கு கடல் உணவுகளான மீன், நண்டு, இறால் போன்ற வற்றையும் ருசித்துப் பாருங்கள்.
அதிலும் அடிக்கடி நண்டு சாப்பிட்டால் உடலுக்கு நல்லது. எனவே இந்த வாரம் நீங்கள் நண்டு தொக்கு மசாலாவை செய்து சுவைத்து மகிழுங்கள். இங்கு நண்டு தொக்கு மசாலாவின் எளிய செய்முறை கொடுக்கப் பட்டுள்ளது.
அதைப் படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள்.
தேவையான பொருட்கள்:
நண்டு – 5-6 (பெரியது)
வெங்காயம் – 1
தக்காளி – 2
மிளகாய் தூள் – 1/2 டீஸ்பூன்
மல்லித் தூள் – 1/2 டீஸ்பூன்
உப்பு – தேவையான அளவு
மஞ்சள் தூள் – 1 சிட்டிகை
தாளிப்பதற்கு…
நல்லெண்ணெய் – 1 கப்
கடுகு – 1/2 டீஸ்பூன்
சோம்பு – 1/2 டீஸ்பூன்
கறிவேப்பிலை – சிறிது
அரைப்பதற்கு…
சின்ன வெங்காயம் – 10-15
பட்டை – 1-2
கிராம்பு – 1-2
கல்பாசி – சிறு துண்டு
சீரகம் – 1 டீஸ்பூன்
சோம்பு – 1 டீஸ்பூன்
மிளகு – 1 டீஸ்பூன்
வர மிளகாய் – 5-6
இஞ்சி – சிறு துண்டு
பூண்டு – 6-7 பற்கள்
தேங்காய் – சிறு துண்டு
செய்முறை:
முதலில் நண்டை நன்கு சுத்தம் செய்து நீரில் கழுவி தனியாக வைத்துக் கொள்ள வேண்டும்.
பின்னர் ஒரு வாணலியை அடுப்பில் வைத்து, அதில் எண்ணெய் சிறிது ஊற்றி காய்ந்ததும், அரைப்பதற்கு கொடுத்துள்ள பொருட்களை சேர்த்து வதக்கி இறக்கி, குளிர வைத்து மிக்ஸியில் போட்டு பேஸ்ட் செய்து கொள்ள வேண்டும்.
பின்பு மற்றொரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், தாளிப்பதற்கு கொடுத்துள்ள பொருட்களை சேர்த்து தாளித்து, பின் வெங்காயத்தைப் போட்டு பொன்னிறமாக வதக்கவும்.
பிறகு அதில் தக்காளி மற்றும் மஞ்சள் தூளை சேர்த்து நன்கு மென்மையாகும் வரை வதக்க வேண்டும். பின் அரைத்து வைத்துள்ள மசாலா மற்றும் உப்பு சேர்த்து, அத்துடன் நண்டையும் சேர்த்து பிரட்டி விட வேண்டும்.
நண்டில் இருந்து நீர் வெளியேறி சுண்டிய பின், சிறிது தண்ணீர் தெளித்து, நண்டு சிவப்பாக மாறும் வரை வேக வைத்து இறக்கினால், நண்டு தொக்கு மசாலா ரெடி!!!
