இன்றைய தலைமுறை உணவிலும் பழைமையை நோக்கி நகர்ந்து கொண்டிருக்கிறது. அதில் உள்ள ஊட்டச்சத்துக்களை அறியத் தொடங்கியுள்ளது.
1950 களுக்கு முன்பு, பார்லி, பழுப்பு அரிசி, தினை மற்றும் கேழ்வரகு போன்ற முழு தானியங்கள் நம் பாரம்பரிய உணவில் பிரதானமாக இருந்தன. அதன் பிறகு அரிசி முழுமையான உணவாக மாறியது.
இப்போது மீண்டும் அரிசியை தவிர்த்து விட்டு முழு தானியம், தினை வகைகளுக்கு மாறுகின்றனர். அந்த வகையில் கேழ்வரகு உங்களுக்கு முழுமையான உணவாக இருக்கும்.
அதே சமயம் இது அனைத்து பருவ நிலையிலும் விளையக் கூடிய, எளிதில் பயிடக்கூடிய உணவாகவும் உள்ளது. அதே சமயம் இதில் எண்ணற்ற நன்மைகள் அடங்கியுள்ளன. கால்சியம் சத்து பெற கேழ்வரகு சிறந்த உணவு.
பால் பொருட்களை விரும்பாதவர்களுக்கு கால்சியம் கிடைக்க கேழ்வரகை எடுத்துக் கொள்ளலாம். 100 கிராம் கேழ்வரகில் 344 மில்லி கிராம் கால்சியம் உள்ளது.
எனவே எலும்பு, பற்களின் ஆரோக்கியத்தை பராமரிக்க கேழ்வரகு சாப்பிடலாம். முதியவர்களுக்கும் எலும்பு தேய்மானம், மூட்டு வலி, எலும்பு புரை உள்ளவர்கள் அல்லது எதிர்காலத்தில் வராமல் இருக்க கேழ்வரகு சாப்பிடலாம்.
கோதுமையுடன் ஒப்பிடுகையில் கேழ்வரகு நீரிழிவு நோயாளிக்கு சிறந்த பலன் அளிக்கிறது. இரத்தத்தில் சர்க்கரை அளவை கட்டுப்படுத்தும் பண்புகள் அதிகம் உள்ளன.
நார்ச்சத்து நிறைந்தது. நீண்ட நேரம் பசியும் எடுக்காது. கேழ்வரகு உடலுக்கு குளிர்ச்சி தரக்கூடியது. இன்று கேழ்வரகு, வெங்காயம் சேர்த்து சத்தான ரொட்டி செய்வது எப்படி என்று பார்க்கலாம்.
தேவையான பொருட்கள்:
வைர வயலாக மாறப்போகும் கோலார் தங்க வயல் !
கேழ்வரகு மாவு - 1 கப்,
பெரிய வெங்காயம் - 2,
பச்சை மிளகாய் - 3,
கறிவேப்பிலை, கொத்தமல்லி தழை - தேவைக்கேற்ப,
மிளகாய்வற்றல் - 3,
எண்ணெய் - 1 டேபிள் ஸ்பூன்,
உப்பு - தேவைக்கேற்ப,
தண்ணீர் - தேவைக்கேற்ப.
தாளிப்பதற்கு…
கடுகு - அரை டீஸ்பூன்,
உளுத்தம் பருப்பு - 1 டீஸ்பூன்,
எண்ணெய் - 1 டேபிள் ஸ்பூன்.
சர்க்கரை நோய் என்றால் என்ன?
செய்முறை:
வெங்காயம், ப.மிளகாய், கொத்த மல்லியை பொடியாக நறுக்கி கொள்ளவும்.
ஒரு பாத்திரத்தில் கேழ்வரகு மாவை போட்டு அதனுடன் உப்பு சேர்த்து தண்ணீர் விட்டு சிறிது இளக்கமாகப் பிசைய வேண்டும்.
வாணலியில் எண்ணெய் விட்டு கடுகு, உளுத்தம் பருப்பு தாளித்து வெங்காயம், ப. மிளகாய், மிளகாய் வற்றல், கறிவேப்பிலை, கொத்தமல்லி சேர்த்து நன்றாக பச்சை வாசனை போகும் வரை வதக்கவும்.
வதக்கிய பொருள்களை கேழ்வரகு மாவுடன் சேர்த்து பிசைந்து 10 நிமிடங்கள் வைக்கவும். தோசைக்கல்லை அடுப்பில் வைத்து சூடானதும் எண்ணெய் தடவி மாவை கையில் எடுத்து, கல்லில் தட்டி இரு புறமும் எண்ணெய் விட்டு பொன்னிறமாக சுட்டு எடுக்க வேண்டும்.
தூக்கமின்றி இருக்கிறீர்களா? அதற்கான காரணம் !
சூப்பரான கேழ்வரகு வெங்காய ரொட்டி ரெடி.
எவ்வளவு அதிகம் வெங்காயம் போடப் படுகிறதோ அந்த அளவுக்கு வாசனையும் சுவையும் நன்றாக இருக்கும்.
