சுவையான க்ரீன் சில்லி சிக்கன் செய்வது எப்படி?

கோழிக்கறியில் நிறைந்துள்ள புரதம் ஆஸ்டியோபோரோசிஸ் (osteoporosis) எனப்படும் எலும்பு தொடர்பான பிரச்சனையை தடுக்கிறது. அது மட்டும் அல்ல, சிக்கன் ஆரோக்கியமான எலும்புகளை பராமரிப்பதிலும் முக்கிய பங்கு வகிக்கின்றது. 

சிக்கனில் உள்ள கோலின் மற்றும் வைட்டமின் B12 நினைவாற்றல் மேம்பாட்டிற்கு உதவுகிறது. அதிகளவு கோலின் உட்கொள்வபர்களின் நினைவாற்றல் சிறப்பாக இருப்பதாக பல ஆய்வு முடிவுகள் தெரிவிக்கின்றன. 

தினமும் சிக்கன் சாப்பிடுவது பாதுகாப்பானதா என்று?… நம்மில் பலர் தினமும் அசைவ உணவு சாப்பிட்டால் அது உடலுக்கு கேடு என நினைப்போம். 

ஆனால், அந்த நம்பிக்கை 50% தவறானது. அளவுக்கு மீறினால் அமிர்தமும் நஞ்சு என்ற பழமொழி நாம் அனைவருக்கும் தெரிந்த ஒன்று. அந்த வகையில், சிக்கனை அளவுக்கு அதிகமாக சாப்பிடுவது ஆபத்தானது தான். 

ஆனால், தினமும் சரியான அளவு சிக்கன் சாப்பிட்டால் உடலுக்கு பல்வேறு நன்மைகள் கிடைக்கும். குளிர்காலத்தில் எப்போதும் நன்கு காரசாரமாக சாப்பிட வேண்டுமென்று தோன்றும். 

அப்படி காரசாரமாக சாப்பிட அசைவ உணவுகளைத் தான் பெரும்பாலானோர் விரும்புவார்கள். உங்களுக்கு சிக்கன் பிடிக்குமெனில், பச்சை மிளகாய் கொண்டு செய்யப்படும் ரெசிபியை செய்து சாப்பிட்டுப் பாருங்கள். 

இது முற்றிலும் பச்சை மிளகாய் கொண்டு செய்வதால், இதன் சுவை வித்தியாசமாக இருக்கும்.

மரணத்தின் புத்தகம் மூலம் பெண்களை வசியம் செய்த எகிப்தியர்கள் தெரியுமா?

சரி, இப்போது பச்சை மிளகாய் கொண்டு செய்யப்படும் க்ரீன் சில்லி சிக்கன் ரெசிபியை எப்படி செய்வதென்று பார்ப்போம்.

தேவையான பொருட்கள்:

சிக்கன் - 1 கிலோ

பச்சை மிளகாய் - 1 கப் (சிறியது)

வெங்காயம் - 2 (நறுக்கியது)

பூண்டு - 10 பற்கள்

இஞ்சி - 1 துண்டு

கொத்தமல்லி - 1/2 கப் (நறுக்கியது)

உப்பு - தேவையான அளவு

மஞ்சள் தூள் - 1 டீஸ்பூன்

மல்லி தூள் - 2 டீஸ்பூன்

வறுத்த சீரகப் பொடி - 1 டீஸ்பூன்

கரம் மசாலா - 1 டீஸ்பூன்

சீரகம் - 1 டீஸ்பூன்

எண்ணெய் - 3 டேபிள் ஸ்பூன்

செய்முறை:

முதலில் மிக்ஸியில் வெங்காயம், பூண்டு, இஞ்சி, கொத்தமல்லி மற்றும் 3 பச்சை மிளகாய் போட்டு, தண்ணீர் சிறிது உப்பு, உப்பு சேர்த்து பேஸ்ட் செய்து கொள்ள வேண்டும்.

பின்னர் சிக்கனை நன்கு சுத்தமாக கழுவி, அதில் அரைத்து வைத்துள்ள பேஸ்ட்டை சேர்த்து பிரட்டி 1/2 மணிநேரம் ஊற வைத்துக் கொள்ள வேண்டும்.

பிறகு ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், சீரகத்தை சேர்த்து தாளித்து, பின் பச்சை மிளகாய், உப்பு சேர்த்து, பச்சை மிளகாயின் நிறம் மாறும் வரை வதக்க வேண்டும்.

பின்பு அதில் சிக்கன் துண்டுகளை சேர்த்து மிதமான தீயில் 6-7 நிமிடம் நன்கு பிரட்டி, பின் மல்லி தூள், சீரகப் பொடி, மஞ்சள் தூள் மற்றும் கரம் மசாலா சேர்த்து நன்கு பிரட்டி, 3-4 நிமிடம் நன்கு வேக வைக்க வேண்டும்.

பல் துலக்கும் போது செய்யும் தவறு ஏற்படுத்தும் பெரிய ஆபத்து தெரியுமா?

பின் மூடி வைத்து, குறைவான தீயில் 10-15 நிமிடம் சிக்கனை நன்கு வேக வைத்து இறக்கினால், க்ரீன் சில்லி சிக்கன் ரெடி!!!