சோயா இறைச்சி பொரியல் செய்வது எப்படி?

கொலஸ்டிராலைக் குறைக்கும் பண்புகள் கொண்ட சோயா ஜப்பானியர்களின் மிக முக்கிய உணவாக இருக்கிறது. பெரும்பாலான புரத உணவுகளில் அமிலத்தன்மை இருக்கும். 

ஆனால் சோயா பீன்ஸில் ஆல்கலைன் அதிகம். இது இயற்கையாகவே உடலுக்கு நன்மையை செய்கிறது. சோயா பீன்ஸில் மிக அதிக அளவில் புரதச்சத்து நிறைந்திருக்கிறது. 

நம் உடலில் உள்ள நரம்புகளில் நடப்பது என்ன?

அரை கப் சோயா பீன்ஸில் இருந்து கிட்டதட்ட 17 கிராம் அளவுக்கு புரதத்தைப் பெற முடியும். இது நம்முடைய அன்றாட புரதத்தேவையில் 34 சதவீதத்தை நிறைவு செய்து விடும். 

சோயா பீன்ஸில் உள்ள கொலஸ்டிராலை கட்டுப்படுத்தும் பண்புகளும் அதிகப்படியான நார்ச்சத்துக்களும் சேர்ந்து உடலில் உள்ள கொலஸ்டிராலை உறிஞ்சிக் கொள்கின்றன. 

இதனால் இதயத்திற்குச் செல்லும் ரத்தக் குழாய்களில் கொழுப்பு படிவது தடுக்கப்பட்டு மாரடைப்பு அபாயத்தைக் குறைக்கச் செய்கிறது. சரி இனி சோயாவை கொண்டு சோயா இறைச்சி பொரியல் செய்வது எப்படி? என்று இந்த பதிவில் பார்ப்போம்.

தேவையான பொருட்கள்.:

50 கிராம் – சோயா மீற்/ chunks/இறைச்சி

2- பெரிய சிவப்பு வெங்காயம்

3 தே.கரண்டி – யாழ்ப்பாண கறி தூள் 

சுவைக்கேற்ப – உப்பு

1/4 தே. கரண்டி – மஞ்சள் தூள்

5 மேசை கரண்டி – நல்லெண்ணேய்/ சூரிய காந்தி எண்ணேய்

3 கப் – சுடு நீர்

2 நெட்டு – கறி வேப்பிலை

1- தேசிக்காய்

லிப்ஸ்டிக்கினால் மூளை பாதிப்பு ஏற்படுகிறது !

செய்முறை.:

நன்கு கொதித்த சுடு நீரை மூடக்கூடிய ஒரு பாத்திரத்தில் இட்டு சுவைக்கு உப்பு சேர்த்து அதனுள் சோயா இறைச்சியை கொட்டி 10 நிமிடம் மூடி ஊற வைக்கவும்.

வெங்காயத்தை தோல் உரித்து, நீளம் நீளமாக வெட்டி கொள்ளவும். வெங்காயத்துக்கு சுவைக்கேற்ப உப்பு, 2 தேக்கரண்டி கறித்தூளை சேர்த்து கிளறி 2 நிமிடம் வைக்கவும்.

ஊறிய சோயா சோயா இறைச்சியை வடிகட்டி எடுத்து குளிர் நீரில் களுவி கொள்ளவும், பெரிய துண்டுகளாக இருந்தால் சிந்தாமணி கடலை அளவு துண்டுகளாக வெட்டவும், 

(சந்தையில் சிறிய துண்டுகாள உள்ள சோய இறைச்சியும் கிடைக்கும், அதை வெட்டி துண்டாக்க தேவையில்லை) 

வெட்டிய/ வடி கட்டி எடுத்த சோயா துண்டுகளுக்கு 1 தே கரண்டி கறித்தூள், மஞ்சள், உப்பு என்பவற்றை போட்டு பிரட்டி 5 நிமிடம் ஊற வைக்கவும்.

பொரிக்கும் (அடிப்பிடிக்காத/ ஒட்டாத/ non stick) சட்டியில் 3 மேசகரண்டி எண்ணேய் விட்டு மென்சூட்டில் சூடக்கி அதில் கறித்தூள், உப்பில் பிரட்டி வைத்த வெங்காயத்தை போட்டு வெங்காயம் மெதுமையாக வரும் வரை வதக்கவும்/ பொரிக்கவும்.

வெங்காயம் வதங்கி வந்ததும் ஊற வைத்த சோயா இறைச்சியை கொட்டி, மிகுதியாக இருக்கும் எண்ணேயை சேர்த்து மேலும் ஒரு 2-3 நிமிடம் கிளறி, கறிவேப்பிலையை சேர்த்து இறக்கவும்.

பொரியல் சாப்பிடக்கூடிய சூட்டை அடைந்ததும் புளிப்பு சுவையை விரும்புபவர்கள் பாதி தேசிக்காயை பிளிந்து, நன்கு கிளறவும். 

இப்போ சுவையான சோயா இறைச்சி பொரியல் தயார். இதனை சோறு, புட்டு ஆகியவற்றுடன் சாப்பிடலாம்.