ரத்தச் சிவப்பு நிறத்தில் உள்ள தக்காளியை ஸ்நாக்ஸ் போல பச்சையாகவே சாப்பிடும் பழக்கம் பலருக்கு உள்ளது. சமையலில் அது கொடுக்கும் மனமும், புளிப்புச் சுவையும் அலாதியானது.
அது மட்டுமல்லாமல் ஊட்டச்சத்துக்களும் தக்காளியில் நிரம்பியுள்ளன. இத்தகைய தக்காளியை தினசரி சாப்பிடுவதால் அல்லது அளவுக்கு மிகுதியாக எடுத்துக் கொள்வதால் நமக்கு ஏதேனும் பாதிப்பு ஏற்படுமா என்பது குறித்து கவனிக்க வேண்டியுள்ளது.
இது குறித்து ஹைதராபாதைச் சேர்ந்த மூத்த மருத்துவர் சோம்நாத் குப்தா கூறுகையில், தக்காளியில் விட்டமின்கள், மினரல்கள், ஆண்டி ஆக்ஸிடெண்ட் ஆகிய சத்துக்கள் உள்ளன.
தக்காளியில் விட்டமின் சி மற்றும் விட்டமின் கே ஆகிய சத்துக்கள் உள்ளன. அதேபோல பொட்டாசியம் சத்தும் உள்ளது. விட்டமின் சி சத்தானது சரும ஆரோக்கியத்திற்கு உதவியாக அமைகிறது.
விட்டமின் கே சத்தானது ரத்தத்தை உறைய வைப்பதற்கும், எலும்புகளின் ஆரோக்கியத்திற்கும் அவசியமானதாகும். பொட்டாசியம் சத்தானது உயர் ரத்த அழுத்தத்தை குறைக்கிறது.
தக்காளியில் நிறைவான நீர்ச்சத்தும், குறைவான கலோரியும் இருப்பதால் உடல் எடையை குறைக்க இது உதவியாக அமையும். அது மட்டுமல்லாமல், தக்காளியில் உள்ள நார்ச்சத்து, வயிறு நிரம்பிய உணர்வை தருவதால் பசி கட்டுப்படுத்தப் படுகிறது.
சரி இனி சிக்கன் தக்காளி பயன்படுத்தி டேஸ்டியான சிக்கன் தக்காளி கிரேவி செய்வது எப்படி? என்று இந்த பதிவில் கண்போம்.
என்னென்ன தேவை?
எண்ணெய் - தேவையான அளவு
கசூரி மேதி இலைகள் - 1 தேக்கரண்டி
தண்ணீர் - 1.5 கப்
சிக்கன் - 1/2 கிலோ
தயிர் - 2 டேபிள் ஸ்பூன்
மிளகாய்த்தூள் - 1 தேக்கரண்டி
சீரகத் தூள் - 1 தேக்கரண்டி
கரம் மசாலா தூள் - 1 தேக்கரண்டி
உப்பு - சிறிது
இஞ்சி பூண்டு விழுது - 1 தேக்கரண்டி
எலுமிச்சை சாறு - 1 தேக்கரண்டி
கிரேவிக்கு...
தக்காளி - 3
மிளகாய்த்தூள் - 1 தேக்கரண்டி
சீரகத் தூள் - 1 தேக்கரண்டி
கரம் மசாலா தூள் - 1 தேக்கரண்டி
மஞ்சள் தூள் - 1 தேக்கரண்டி
உப்பு - சிறிது
இஞ்சி பூண்டு விழுது - 1 தேக்கரண்டி
சர்க்கரை - 2 தேக்கரண்டி
எப்படிச் செய்வது?
ஜாரில் தக்காளியை எடுத்து அத்துடன் இஞ்சி பூண்டு விழுது, மிளகாய்த்தூள், மஞ்சள் தூள், சீரகத் தூள், கரம் மசாலா தூள், உப்பு, சர்க்கரை சேர்த்து நைசாக அரைத்து வைக்கவும்.
இப்போது எழும்பு இல்லாத சிக்கன் துண்டுகள் எடுத்து அதில் இஞ்சி பூண்டு விழுது, மிளகாய்த்தூள், சீரகத் தூள், கரம் மசாலா தூள், உப்பு, எலுமிச்சை சாறு, தயிர் சேர்த்து கலந்து வைக்கவும்.
ஒரு கடாய் எடுத்து அதில் மசித்த மசாலா சேர்த்து கலந்து தடித்து வரும் வரை சமைத்து பின் சிறிது தண்ணீர் ஊற்றி எண்ணெய் பிரியும் வரை வேக விடவும்.
இப்போது மற்றொரு பாத்திரத்தில், எண்ணெய் ஊற்றி சிக்கன் சேர்த்து அவற்றை வதக்கி பின் தக்காளி கிரேவியில் அவற்றை போட்டு கலந்து சிக்கன் வேகும் வரை சமைக்கவும்.
வெந்த பின் சிறிது கசூரி மேதி இலை துவி இறக்கவும்.
