கால்சியம் சத்து பெற கேழ்வரகு சிறந்த உணவு. பால் பொருட்களை விரும்பாதவர்களுக்கு கால்சியம் கிடைக்க கேழ்வரகை எடுத்துக் கொள்ளலாம். 100 கிராம் கேழ்வரகில் 344 மில்லி கிராம் கால்சியம் உள்ளது.
எனவே எலும்பு, பற்களின் ஆரோக்கியத்தை பராமரிக்க கேழ்வரகு சாப்பிடலாம். ராகியில் அதிக நார்ச்சத்தும், அதன் குறைந்த கிளைசெமிக் இண்டெக்ஸும், நீரிழிவு நோயாளிகளுக்கு சிறந்த தேர்வாக அமைகிறது.
கேழ்வரகை உட்கொள்வது இரத்த சர்க்கரை அளவை உறுதிப்படுத்தவும், இன்சுலின் உணர்திறனை மேம்படுத்தவும் உதவும். மேலும், இதில் உள்ள ஆன்டி ஆக்ஸிடன்ட்கள் மற்றும் நார்ச்சத்து இதய ஆரோக்கியத்திற்கு பங்களிக்கிறது.
எனவே, சிறுநீரக கற்கள் அல்லது சிறுநீரகம் தொடர்பான ஏதேனும் பிரச்சனை இருந்தால் ராகியை உட்கொள்ள வேண்டாம். ராகியை அதிக அளவில் எடுத்துக் கொள்வது தைராய்டு நோயாளிகளின் பிரச்சனையை அதிகரிக்கும்.
ஹைப்போ தைராய்டு மற்றும் ஹைப்பர் தைராய்டு இரண்டு வகையான தைராய்டு பிரச்சினை உள்ளவர்களுமே கேழ்வரகு உணவை தவிர்ப்பது நல்லது.
ராகியில் அதிக அளவில் கால்சியம் இருப்பதால், எலும்பு, பற்கள் என அத்தனைக்கும் நல்லது. குறிப்பாக, கோடை காலத்தில் இதை சாப்பிடுவது நல்லது.
ஏனெனில் இது உடல் சூட்டைத் தணித்து, உங்களைக் குளிர்ச்சியாக வைத்திருக்கும். கோடையில் உடலின் வெப்பம் அதிகரிக்கும் வாய்ப்பு உள்ளதால், இக்காலத்தில் ராகியை உணவில் சேர்த்து வந்தால், உடல் வெப்பமானது குறையும்.
அத்தகைய சிறப்பு மிக்க ராகியில் ஆம்லெட் செய்வது எப்படி என்று பார்ப்போம்.
தேவையான பொருட்கள் :
1 கப் - ராகி மாவு
1/2 ஸ்பூன் - மிளகு சீரக தூள்
3 - முட்டை
1 ஸ்பூன் - கரம் மசாலா
3 ஸ்பூன் - ஆயில்
3/4 ஸ்பூன் - உப்பு
செய்முறை :
ஒரு பாத்திரத்தில் முட்டையை ஊற்றி நன்கு அடித்துக் கூலாக கட்டியில்லாமல் கலக்கி கொள்ள வேண்டும்.
பிறகு வேறொரு பாத்திரத்தில் ராகி மாவுடன் சிறிதளவு தண்ணீர் சேர்த்து கட்டியில்லாமல் கலக்கி, அதையும் முட்டையுடன் சேர்த்து கலந்து கொள்ள வேண்டும்.
பொடியாக நறுக்கிய வெங்காயம் தக்காளி கரம் மசாலாத் தூள் முதலியவற்றை சேர்த்து கலந்து கொள்ளவும்.
பிறகு பானில் எண்ணெய் தடவி ஆம்லெட் ஆக ஊற்றி வேக வைத்து எடுத்தால் மிகவும் சுவையான ராகி ஆம்லெட் தயார்.
