வாயுவை நீக்கும் காராமணி மசாலா செய்வது எப்படி?

காராமணி (என்பது பயறு வகைகளில் ஒன்று. இதனைத் தட்டைப்பயறு என்றும் கூறுவர். இது கருமை நிறத்திலும், செந்நிறத்திலும் இருக்கும். 

காராமணியில், நார்ச்சத்து, கால்சியம், மக்னீசியம், பாஸ்பரஸ், பொட்டாசியம், புரதச்சத்து, என சத்துக்கள் உள்ளன. வைட்டமின் C நிறைந்த காராமணி, நோய் எதிர்ப்பு சக்தியை அதிகப்படுத்தும் தன்மை உடையது. 

எனவே, நீரிழிவு நோயாளிகளுக்கு இந்த பயறு முக்கிய வரப்பிரசாதம் என்றே சொல்லலாம். ரத்த சர்க்கரை அளவினை கட்டுக்குள் வைத்திருக்க உதவுகிறது.

சோதனைக் குழாய் குழந்தைகள் உருவாகும் விதம்

இதற்கு காரணம், காராமணியில் உள்ள மெக்னீசியம், இன்சுலின் சுரப்பினை சீராக்குகிறது. காராமணியை அடிக்கடி சாப்பிடுபவர்களுக்கு கல்லீரல் பிரச்சனைகள் நெருங்குவதில்லை. 

எனவே, ஈரலை தாக்கும் மஞ்சள் காமாலை நோய்களும் நம்மை அண்டுவதில்லை. கோலின் என்ற வைட்டமின் B உள்ளதால், கல்லீரல்களில் நோய்களை உண்டாக்குவதில்லை. 

உயர் ரத்த அழுத்த நோய் பிரச்சனை இருப்பவர்கள் அதிகமாக எடுத்து கொள்ள வேண்டிய உணவு இந்த காராமணி ஆகும்.பயற்றினைத் தனியே வேக வைத்தும் உண்பர். 

குழம்பு, பொரியல், அவியல் துவையல் போன்றவற்றிலும் சேர்த்துக் கொள்வர். ஊற வைத்து அரைத்துப் பலகாரமும் சுடுவர். காராமணிப் பயறு மட்டுமல்லாமல் காராமணிப் பயற்றங்காய்களும் காய்கறிகளில் ஒன்றாகப் பயன்படுத்தப்படுகின்றன. 

மொச்சைக் கொட்டை போல காராமணிப் பயறும் வளிப் (வாயு) பொருள் எனத் தமிழ் மருத்துவர்கள் கூறுகின்றனர்.

நீங்கள் ரோட்டுக் கடைகளில் சாப்பிடும் ஆர்வம் உள்ளவரா?

தேவையானவை

சிகப்பு அல்லது வெள்ளை காராமணி - 200 கிராம்

இஞ்சி, பூண்டு அரைத்தது - 1 தேக்கரண்டி

பெரிய வெங்காயம் - 2

தக்காளி - 1

பூண்டு - 6 பல்

பச்சை மிளகாய் - 2

மிளகாய்த்தூள் - 1 தேக்கரண்டி

தனியாத்தூள் - 2 தேக்கரண்டி

மஞ்சள் தூள் - அரை தேக்கரண்டி

கறிவேப்பிலை - 1 ஆர்க்கு

உப்பு - தேவையான அளவு

நல்லெண்ணெய் - 3 மேஜைக்கரண்டி

செய்முறை :

காராமணியை 2 மணி நேரம் ஊற வைத்து, வேக வைத்துக் கொள்ளவும். வெங்காயத்தை பொடியாக நறுக்கிக் கொள்ளவும். தக்காளியை மெல்லியதாக நீளவாக்கில் நறுக்கிக் கொள்ளவும். 

பச்சை மிளகாயை நறுக்கிக் கெள்ளவும். பூண்டை உரித்து, முழுதாக வைத்துக் கொள்ளவும்.வாணலியில் இதயம் நல்லெண்ணெய் ஊற்றி, காய்ந்ததும் வெங்காயம் போட்டு வதக்கவும். 

இஞ்சி, பூண்டு அரைத்தது போட்டு வதக்கவும். தக்காளி, கறிவேப்பிலை, பச்சை மிளகாய் போட்டு வதக்கவும். மிளகாய்த்தூள், மஞ்சள்தூள், தனியாத்தூள், உப்பு சேர்த்துக் கிளறவும். 

5 நிமிடங்கள் கழித்து, சிறிதளவு தண்ணீர் ஊற்றிக் கிளறி, வேக வைத்துள்ள காராமணியைப் போடவும். மஸாலா கெட்டியானதும் இறக்கி, பரிமாறவும்.