பெயரைச் சொன்னாலே நம்முடைய குழந்தைகள் தெறித்து ஓடும் ஒரு டிபன் என்று சொன்னால் அது உப்புமா என்றே சொல்லலாம்.
விருந்தினர்களின் திடீர் வருகையின் போது கைகொடுத்து உதவுவது, வேலைக்குப் போகும் மகளிருக்கு பல நாள்களுக்கு உற்ற துணையாக இருப்பது,
10 நிமிடங்களுக்குள் செய்து விடலாம் என்கிற பெருமைக்குரிய சிற்றுண்டி... என பல சிறப்புகளைக் கொண்டது உப்புமா. அப்படி இருக்க, அதன் மேல் ஏன் வெறுப்பு?
உப்புமாவின் பூர்வீகம் எது என உறுதியாகச் சொல்ல முடியவில்லை. கன்னடத்தில் `உப்பிட்டு’, தெலுங்கில் `உப்பிண்டி’, மலையாளத்தில் `உப்புமாவு’, மராத்தியில் `உப்பீட்’,
கொங்கணியில் `ருலான்வ்’, இந்தியில் `உப்மா’... ஆக, இந்தியாவெங்கும் நீக்கமற நிறைந்த ஒரு சிற்றுண்டி என்பதில் ஐயமில்லை.
ஆனாலும் தென்னிந்தியாவில் தான் அதிகம் பிரபலமாக இருக்கிறது. சட்டென்று செய்து விடலாம். ஆறிய உப்புமாவைச் சாப்பிடுவது கொஞ்சம் சிரமம்.
இன்றைய பரபரப்பான வாழ்க்கையில் அடிக்கடி இதைச் செய்து போட்டாலும் வெறுப்பு வந்து விடும். இந்தக் காரணங்களால் தான் பிடிக்காத ஒரு சிற்றுண்டியாக இது கருதப்படுகிறது.
ஆனாலும், உப்புமாவைப் பிடிக்காத குழந்தைகள் கூட, வாணலியில் அதன் அடிப்பிடித்த பகுதிக்கு ரசிகர்களாக இருப்பார்கள்.
உண்மையில், சாம்பாருடன் சேர்த்துச் சாப்பிட இது தனிச்சுவை தரும் என்பதை மறுப்பதற்கில்லை. இந்த எளிய உணவில் எண்ணற்ற பல சத்துக்களும் இருக்கின்றன.
நூடுல்ஸில் உப்புமா அளவுக்கு சத்துகள் இல்லை என்பது ஒருபுறம்; அது ஆரோக்கியமானதும் அல்ல. உப்பில் செய்யப்படுவதால், இது `உப்புமா’வாக ஆகியிருக்கலாம்.
இதில் நூற்றுக்கணக்கான வகைகள். உப்புமாவின் சுவையைக் கூட்ட என்னென்னவோ செய்து பார்த்து விட்டார்கள் நம்மவர்கள்.
என்ன தான் உப்புமாவை புறக்கணிக்க வேண்டும் என நினைத்தாலும், அவ்வளவு எளிதாக ஓரங்கட்ட முடியாத ஓர் சிற்றுண்டியாக இன்றைக்கும் இது இருக்கிறது.
ரவை பிடிக்கவில்லையா?
அரிசியை ரவை போல் உடைத்து, இரண்டு காய்ந்த மிளகாயைக் கிள்ளிப் போட்டு, நிறைய நெய் ஊற்றி மணக்க மணக்க அரிசி உப்புமாவாகத் தந்தார்கள்.
இன்னும் சர்க்கரை நோயாளிகள், உயர் ரத்த அழுத்தம் உள்ளவர்களுக்காக, கம்பு, சோளம், தினை, சிவப்பரிசி இதை யெல்லாம் ரவையாக்கி அதிலும் செய்து பார்த்து விட்டார்கள்.
சாதாரண உப்புமா தான் சில பல மாற்றங்களுக்குப் பிறகு `கிச்சடி’ எனவும் மலர்ந்தது. அவலில் செய்த உப்புமாவோ, ஆரோக்கியமானது.
முதியவர்கள், உயர் ரத்த அழுத்தம் உள்ளவர்களுக்கு ஏற்றது என்று சில சித்த மருத்துவர்களே பரிந்துரைக்கிறார்கள். 2011-ம் ஆண்டு அமெரிக்கா, நியூயார்க்கில் ஒரு சமையல் போட்டி நடந்தது.
அதில் ஃப்ளாய்டு கார்டோஸ் (மும்பையைப் பிறப்பிடமாகக் கொண்டவர்) கலந்து கொண்டார்.
அவருக்கு முதல் பரிசாக ஒரு லட்சம் அமெரிக்க டாலர் கிடைத்தது. ஒரு மெகா பரிசையே வாங்கித் தந்திருந்தாலும்,
இந்த அருமையான சிற்றுண்டியை `எனக்கு சின்ன வயசுலருந்தே உப்புமா பிடிக்காது’ என இன்னும் எத்தனை நாள்களுக்குச் சொல்லிக் கொண்டிருக்கப் போகிறோம் என்று தெரியவில்லை.
சரி... உப்புமா நம் உடல் நலத்துக்கு நல்லதுதானா?
அவசரத்துக்குக் கைகொடுக்கும் சிற்றுண்டி உப்புமா. எளிமையான செயல்முறை, எளிதாகச் செய்து விடலாம்... கொஞ்சம் சத்தான உணவும் கூட.
100 கிராம் உப்புமாவில்
222 - கலோரிகள்,
கொழுப்பு - 3.3 கிராம்,
கார்போஹைட்ரேட் - 40.2 கிராம்,
புரோட்டீன் - 7.25 கிராம்,
சர்க்கரை - 1.6 கிராம் ஆகியவை நிறைந்துள்ளன. அதோடு, இரும்புச்சத்து, கால்சியம் ஆகியவையும் உள்ளன.
அரிசி, கோதுமை, சேமியா என விதவிதமான வகைகள் இருந்தாலும், பெரும்பாலும் ரவையில் தான் உப்புமா செய்யப்படுகிறது. ரவா உப்புமாவின் சுவை பலருக்கும் பிடித்தமான ஒன்று.
செரிமானம்
காலையில் ஒருவர் உப்புமா சாப்பிட்டால், அன்றைய நாள் முழுவதற்குமான சக்தி இதிலிருந்து கிடைத்து விடும்.
கூடுதல் சக்தி
பொதுவாக, மதிய நேரத்துக்குப் பிறகு சிலருக்கு ஏற்படும் சுறுசுறுப்பின்மை, மந்தத் தன்மையையும் போக்கும். இதைத் தயாரிக்கும் போது நார்ச்சத்து நிறைந்த காய்கறிகளைச் சேர்த்துத் தயாரிப்பது கூடுதல் சக்தியை அளிக்கும்.
உடல் எடை
உடல் எடையைக் குறைக்க விரும்புகிறவர்களுக்கும், இருக்கும் எடையைப் பராமரிக்க விரும்புகிறவர்களுக்கும் சிறந்தது. இது ஆற்றலைத் தரக்கூடிய சிற்றுண்டி.
எலும்புகளுக்கு
அது ஆரோக்கியமாகவும் உறுதியாகவும் இருக்கச் செய்யும். ரவை, இதய நலத்துக்கும் உதவக்கூடியது. இதயச் செயலிழப்பு, மாரடைப்பு ஆகியவற்றைத் தடுக்கும்.
ரத்த ஓட்டம்
ரவையில் இரும்புச்சத்து நிறைவாக உள்ளது. இது ரத்த ஓட்டம் சீராக உதவும்; ரத்தச்சோகை வராமல் தடுக்கும்.
சிலருக்கு ரவையிலிருக்கும் `குளூட்டன்’ (Gluten) என்ற பசைச் சத்து ஒத்துக் கொள்ளாது. அப்படி அலர்ஜி உள்ளவர்கள் ரவா உப்புமாவைத் தவிர்ப்பதே சிறந்தது.
ரவா உப்புமா மிக நல்லது...
இதைச் சாப்பிடும் அளவிலும் கவனம் தேவை. அதிக உடல் உழைப்பு உள்ளவர்கள் சற்று அதிகமாகவும், குறைந்த உடல் உழைப்பு உள்ளவர்கள் அளவாகவும் சாப்பிட வேண்டும்.’
