இந்த உலகில் சிக்கன் பிடிக்காதவர்கள் இருக்க முடியாது. ஏனென்றால், சிக்கனை வைத்து சமைக்கும் அனைத்து உணவுகளுக்கும் நாம் அடிமைகள். நமது வீட்டில் சிக்கன் சமைக்கும் நாளில் மட்டும், நாம் சப்புக்கொட்டி வயிறு புடைக்க சாப்பிடுவது உண்டு.
நம்மில் பலருக்கு தோன்றும், தினமும் சிக்கன் சாப்பிடுவது பாதுகாப்பானதா என்று?… நம்மில் பலர் தினமும் அசைவ உணவு சாப்பிட்டால் அது உடலுக்கு கேடு என நினைப்போம். ஆனால், அந்த நம்பிக்கை 50% தவறானது.
அளவுக்கு மீறினால் அமிர்தமும் நஞ்சு என்ற பழமொழி நாம் அனைவருக்கும் தெரிந்த ஒன்று. அந்தவகையில், சிக்கனை அளவுக்கு அதிகமாக சாப்பிடுவது ஆபத்தானது தான்.
ஆனால், தினமும் சரியான அளவு சிக்கன் சாப்பிட்டால் உடலுக்கு பல்வேறு நன்மைகள் கிடைக்கும். கோழிக்கறியில் நிறைந்துள்ள புரதம் ஆஸ்டியோ போரோசிஸ் (osteoporosis) எனப்படும் எலும்பு தொடர்பான பிரச்சனையை தடுக்கிறது.
அதுமட்டும் அல்ல, சிக்கன் ஆரோக்கியமான எலும்புகளை பராமரிப்பதிலும் முக்கிய பங்கு வகிக்கின்றது. சிக்கனில் உள்ள கோலின் மற்றும் வைட்டமின் B12 நினைவாற்றல் மேம்பாட்டிற்கு உதவுகிறது.
அதிகளவு கோலின் உட்கொள்வபர்களின் நினைவாற்றல் சிறப்பாக இருப்பதாக பல ஆய்வு முடிவுகள் தெரிவிக்கின்றன. சாலட் செய்வது என்பது மிகவும் ஈஸியான ஒன்று.
சாலட் என்றால் நாம் இதுவரை காய்கறி, பழங்களை மட்டும் வைத்து தான் செய்திருக்கிறோம். ஆனால் அதில் சிக்கன் பயன்படுத்தி கூட செய்யலாம்.
இப்படி செய்வதால் உடலுக்கு தேவையான அனைத்து சத்துக்களும், இவற்றிலேயே கிடைத்து விடுகிறது. இது ஒரு வித்தியாசமான சுவையான ரெசிபி. அந்த சிக்கன் சாலட் செய்ய ரெடியா இருக்கீங்களா.
தேவையான பொருட்கள் :
எலும்பில்லாத சிக்கன் - 250 கிராம்
வெங்காயத்தாள் - 4
உலர்ந்த திராட்சை - 25 கிராம்
மயோனைஸ் - 1/2 கப்
வெண்ணெய் - 1/2 ஸ்பூன்
ஆப்பிள் - 1
மிளகுத்தூள் - 1/2 ஸ்பூன்
உருளைக் கிழங்கு - 250 கிராம்
கருப்பு திராட்சை - 100 கிராம்
தண்ணீர், உப்பு - தேவையான அளவு
செய்முறை :
முதலில்
சிக்கன் துண்டுகளை நன்கு கழுவ வேண்டும். பின் அந்த சிக்கனை ஒரு வாணலியில் போட்டு, அதில் சிறிது தண்ணீர் ஊற்றி உப்பு, மிளகுத்தூள் போட்டு வேக வைக்கவும்.
சிக்கன் வெந்ததும் அதை இறக்கி குளிர வைக்கவும். பிறகு வெங்காயத் தளை நறுக்கி, வெண்ணெய்யில் பொரிக்கவும். பின் உருளைக்கிழங்கை வேக வைத்து, அதன் தோலை உரித்து, சிறு சிறு துண்டுகளாக வெட்டி வைத்துக் கொள்ளவும்.
புற்றுநோயினைத் தடுக்கும் கேரட் !
அதே போல் ஆப்பிளையும், உருளைக்கிழங்கை வெட்டியதைப் போல் வெட்டி வைத்துக் கொள்ளவும். பின் கருப்பு திராட்சையை கழுவி, இரண்டாக நறுக்கி தனியாக ஒரு பௌலில் வைத்துக் கொள்ளவும்.
பிறகு ஒரு பெரிய பௌலை எடுத்துக் கொண்டு, அதில் வேக வைத்து குளிர வைத்த சிக்கன், பொரித்த வெங்காயத்தாள், உலர்ந்த திராட்சை, மயோனைஸ் ஆகியவற்றைப் போட்டு நன்கு கலக்கவும்.
பின் அதன் மேல் சிறிது உப்பு, மிளகுத்தூளைத் தூவவும். இறுதியாக கருப்பு திராட்சையை வைத்து அலங்கரித்து, ஃபிரிட்ஜில் வைக்கவும். இப்போது குளிர்ச்சியான, சுவையான, வித்தியாசமான
சிக்கன் சாலட் ரெடி !
