கோதுமை பஞ்சாபிகளின் முதன்மையான உணவு. தற்போது தென்மாநில மக்களிடமும், கோதுமை தனியிடம் பிடித்து வருகிறது. பொதுவாக தெரிந்த இந்த குணங்களை தவிர சிறப்பு தன்மைகள் பல நிறைந்தது.
முதுகுவலி, மூட்டுவலியால் அவதிப் படுபவர்களுக்கு கோதுமையை வறுத்து பொடித்து, அதனுடன் தேன் சேர்த்து உட்கொள்ள கொடுக்க அந்த வலி குணமாகும்.
வயிற்றில் புளிப்புத்தன்மை உடையவர்கள் மற்றும் புளித்த ஏப்பம் அடிக்கடி வருபவர்கள் கோதுமை ரவையை கஞ்சி செய்து குடித்தால் உடனே நிவாரணம் பெறலாம்.
கோதுமை மாவை அக்கிப்புண், நெருப்பு பட்ட இடம், மேல் தோல் உரிந்து போன இடம் ஆகியவற்றில் தூவினாலும் அல்லது வெண்ணெய் கலந்து பூசினாலும் எரிச்சல் தணியும். கோதுமை மாவை களியாக செய்து கட்டிகளுக்கு வைத்து கட்ட அவை சீக்கிரம் குணமாகும்.
வியர்க்குருவால் அவதிப்படுபவர்கள் கோதுமை மாவை புளித்த காடி நீரில் கலந்து பூசிவர அவை விரைவில் மறையும். கோதுமையை உணவில் அதிகம் எடுத்துக் கொள்பவர்களுக்கு உடல் பலம் அதிகரிக்கும். ஆண்களுக்கு ஆண்மை அதிகரிக்கும்.
கோதுமையை முந்தைய நாளே நீரில் ஊற வைத்து, காலையில் அடித்து பசையாக்கி, அதை மெல்லிய துணியில் இட்டு வடிகட்டி பிழிந்து வருகின்ற பால் கோதுமைப் பாலாகும். இந்த பாலை கப நோயாளிகள் பருக நல்ல பலன் கிடைக்கும்.
ரொட்டி கோதுமை மற்றும் மக்ரோனி கோதுமையைத் தவிர மற்றும் ஒரு கோதுமை வகை தான் சம்பா கோதுமை. சப்பாத்திகள் பெரும்பாலானோரால் விரும்பி உண்ணப்படும் முக்கியமான காலை மற்றும் இரவு நேர உணவு.
குறிப்பாக பஞ்சாப் மாநிலத்தில் கோதுமை அதிகம் விளைவதால் பஞ்சாபியர்களுக்கு முக்கியமான உணவு சப்பாத்தி தான்.
பஞ்சாபியர்கள் சப்பாத்தியையே விதவிதமாக செய்து உண்பார்கள். சப்பாத்திகளை வழக்கமாக உண்பவர்களுக்கு ஒரு சேஞ்சுக்காக வெஜ் சப்பாத்தி ரோல் ஆக செய்து கொடுக்கலாம்.
நுண்ணோக்கியின், தொலைநோக்கியும் தெரிந்து கொள்ள !
இவை அலுவலகங்களுக்கோ அல்லது பள்ளி செல்லும் குழந்தைகளுக்கு மதிய உணவாகவும் செய்து கொடுத்து அனுப்புவதற்கு உகந்தது.
குறிப்பாக சர்க்கரை வியாதியால் அவதிப்படும் நபர்களுக்கு மருத்துவர்கள் இரவு நேரங்களில் சப்பாத்திகளை உண்ண அறிவுறுத்துவார்கள். சப்பாத்தி வெஜ் ரோலில் காய்கறிகளையும் சேர்த்து செய்வதினால் இவை மேலும் சத்தானதாகின்றன.
தேவையானவை :
கோதுமை மாவு - 2 கப்,
பெரிய வெங்காயம் - 2,
இஞ்சி - பூண்டு விழுது - 1/2 டீஸ்பூன்,
குடைமிளகாய் - 1,
கேரட் - 2,
முட்டைகோஸ் - சிறிது,
உருளைக்கிழங்கு - 1,
வெள்ளை மிளகுத்தூள் - 1/2 டீஸ்பூன்,
சோயா சாஸ் - 1/4 டீஸ்பூன்,
தக்காளி சாஸ் - 1 டீஸ்பூன்,
எண்ணெய் - 2 டேபிள் ஸ்பூன்.
உப்பு - தேவைக்கு,செய்முறை :
கோதுமை மாவை பிசைந்து அரை மணி நேரத்திற்கு நன்றாக ஊற வைத்து கொள்ளவும். வெங்காயம், குடைமிளகாய், கேரட், முட்டைகோஸ், உருளைக்கிழங்கை மெல்லியதாக நீளவாக்கில் நறுக்கிக் கொள்ளவும்.
கடாயில் எண்ணெயை ஊற்றி இஞ்சி - பூண்டு விழுதை போட்டு சிவந்ததும், நறுக்கிய காய்கறிகளை சேர்த்து வதக்கவும். வெள்ளை மிளகுத்தூள், உப்பு சேர்க்கவும். கடைசியாக சோயா சாஸ், தக்காளி சாஸ் சேர்த்து வதக்கி வைத்துக் கொள்ளவும்.
ஆன்டிராய்டு லாலிபாப் பற்றி நீங்க தெரிந்து கொள்ள !
மாவை சரிசம உருண்டைகளாக உருட்டி, மெல்லிய சப்பாத்திகளாக திரட்டி தோசைக்கல்லில் எண்ணெய் விட்டு சுட்டெடுக்கவும்.
ஒவ்வொரு சப்பாத்திக்கு உள்ளேயும் 2 டீஸ்பூன் மசாலாவை வைத்து ரோல் செய்யவும். நடுவில் கட் செய்து தக்காளி கெட்ச்சப்புடன் பரிமாறவும்.
