கேரட் அல்வா உடலுக்கு எவ்வளவு சத்து தெரியுமா?

இனிப்பு என்று சொன்னாலே குழந்தைகள் முதல் பெரியவர்கள் வரை அனைவருக்கும் பிடித்தமான ஒரு இனிப்பு என்றால் அது அல்வா தான். 

அதை வீட்டில் செய்வது கடினமென்று பெரும்பாலும் பெண்கள் அதை செய்வதில்லை. ஆனால் கேரட்-ஐ பயன்படுத்தி மிகமிக சுலபமாகவும், சத்தான முறையிலும் வீட்டிலேயே அல்வாவை செய்ய முடியும்.

குழந்தைகள் மிகவும் விரும்பி சாப்பிடுவார்கள். இது குறிப்பாக இந்திய துணைக் கண்டம் முழுவதும் பிரபலமாக உள்ளது. மேலும் கேரட் சாப்பிடுவதால் கிடைக்கும் நன்மைகள் ஏராளம். 

அந்த வகையில் இந்த குறிப்பிட்ட அல்வா சிறந்த குளிர்கால உணவாக இருப்பதற்கான காரணங்கள் குறித்து காண்போம்.

கேரட்டின் நன்மை : 

கேரட் குளிர்காலத்தில் வளரும், அதன் காரணமாகவே இந்த பருவத்திற்கு ஏற்ற ஒரு இனிப்பு உணவாக திகழ்கிறது. கேரட்டுக்கு ஏராளமான ஆரோக்கிய நன்மைகள் உள்ளன. 

குளிர்காலத்தில் குளிர் மற்றும் சூரிய ஒளியின் பற்றாக்குறை காரணமாக நமது நோயெதிர்ப்பு அமைப்புகள் பாதிக்கப்படுகின்றன. கேரட் வைட்டமின் ஏ- வை பீட்டா கரோட்டின் வடிவத்தில் சேமிக்கிறது. 

இது ஒரு ஆக்ஸிஜனேற்றியாகும். இது நமது நோயெதிர்ப்பு சக்தியை பலப்படுத்துகிறது மற்றும் நோய்த்தொற்றுகள், அழற்சியை எதிர்த்துப் போராட உதவுகிறது.

கேரட்டில் அதிக அளவிலான நார்ச்சத்து, பொட்டாசியம் போன்ற சத்துகள் அடங்கி உள்ளது. கேரட்டுடன் சிறிதளவு வெண்ணெய் கேரட்டை சமைத்து உண்பதை விட, பச்சையாக சாப்பிடும் போது அதிலுள்ள பெரும்பான்மையான சத்துக்கள் அப்படியே கிடைக்கும்.

சருமத்தை மேம்படுத்துகிறது : 

வறண்ட குளிர்காலம் சருமத்தின் ஈரப்பதத்தை வடிகட்டுகிறது. மேலும் தோலில் வறட்சி ஏற்படுத்துகிறது. தோல் ஈரப்பதத்தைத் தக்க வைக்க பெரும்பாலான மக்கள் எண்ணெய்கள் மற்றும் மாய்ஸ்சரைசர்களை உபயோகிப்பார்கள். 

அதுவே கேரட்டில் வைட்டமின் ஏ பீட்டா கரோட்டினாக உள்ளது. ஆய்வின்படி, தோல் செல்களை வழக்கமாக மாற்றுவதில் வைட்டமின் ஏ உதவுகிறது என்று கூறப்பட்டுள்ளது.

எடை இழப்பு : 

உடலின் ஆற்றல் தேவைகளைப் பூர்த்தி செய்ய அதிக கலோரிகளை உட்கொள்வதன் மூலம் பெரும்பாலான மக்கள் குளிர்காலத்தில் சிறிது எடை போடுவார்கள். 

அதுவே கேரட் ஒரு நார்ச்சத்து வேர்கள் என்பதால், அவை ஜீரணிக்க அதிக நேரம் எடுக்கும். எனவே அதை சாப்பிடுபவர்களுக்கு அவ்வளவு பசி ஏற்படாது. இதனால் எடை அதிகரிப்பை தடுக்கலாம். 

உடல் எடை அதிகம் கொண்டிருப்பவர்கள், அதிக கொழுப்பைக் கொண்டவர்கள். இது அவர்களில் இதயத் தடுப்பு அபாயத்தை உயர்த்தும். கேரட்டை வழக்கமாக உட்கொள்வது அதிகப்படியான கொழுப்பின் அளவைக் குறைக்கிறது.

நோய் எதிர்ப்பு சக்தியை அதிகரிக்கும் : 

கேரட் அல்வாவை தயாரிக்க பால், ஏலக்காய் மற்றும் பாதாம் ஆகிய பொருட்கள் தேவைப்படுகிறது. பசு அல்லது எருமை பாலில் வைட்டமின் டி, புரோ பயாடிக்குகள் மற்றும் இம்யூனோகுளோபூலின் ஆகியவை உள்ளன. 

இது குளிர்காலத்தில் வைரஸ்களுக்கு எதிரான நமது நோய் எதிர்ப்பு சக்தியை அதிகரிக்கிறது. ஏலக்காயில் வைட்டமின் சி உள்ளது. 

இது இருமல் மற்றும் சளி சிகிச்சைக்கு பயன்படுத்தப் படுகிறது. பாதாம் அதன் வைட்டமின் ஈ உள்ளடக்கத்துடன் நோயெதிர்ப்பு சக்தியை அதிகரிக்கும் திறன் கொண்டது.

புற்றுநோய் எதிர்ப்பு பண்புகள் : 

மற்றொரு ஆய்வின்படி, கேரட்டில் நான்கு வகையான பைட்டோ கெமிக்கல்கள் உள்ளன. இவை கரோட்டினாய்டுகள், பினோலிக்ஸ், பாலிசெட்டிலின்கள் மற்றும் அஸ்கார்பிக் அமிலம் ஆகும். 

அவற்றின் ஆக்ஸிஜனேற்ற பண்புகளால் கட்டிகள் மற்றும் புற்றுநோய்களின் அபாயங்களைக் குறைக்க முடியும். கேரட்டில் உள்ள பாலிபினால்கள் புற்றுநோய்க்கு எதிரானவை. ஏனெனில் அவை ஃப்ரீ ரேடிக்கல்களை அழிக்கின்றன.

இனிப்பு உடல் ஆரோக்கியத்தை கெடுக்கும்

அதிக அளவு இனிப்பு சாப்பிடுவது உடல் ஆரோக்கியத்தை கெடுக்கும். நீரிழிவு நோயை ஏற்படுத்தும். இருப்பினும் இயற்கையான, சத்தான இனிப்புகளை அளவோடு சாப்பிடுவதால் தீமைகளை காட்டிலும் நன்மைகள் அதிகம்.