சிறு தானியம் ராகி சாப்பிடுவதால் ஏற்படும் நன்மைகள் தெரிந்து கொள்ளலாம் !

சிறுதானியங்களில் ராகி, அதாவது கேழ்வரகு முதலிடத்தில் உள்ளது. சிறுதானியங்களின் ராணி என அழைக்கப்படும் இதில் உள்ள ஊட்டச் சத்துக்கள் ஏராளம்.

அரிசியை விட குறைந்த சர்க்கரைச் சத்து, 18 மடங்கு அதிக நார்ச்சத்து உள்ளதால், உண்டபின் இரத்தத்தில் சர்க்கரை அளவை டபுக் என ஏற்றாமல், மிக சீராக ஏற்றும் தன்மையுடைய (Low Glycaemic Index Food), நல்ல உணவு ராகி.

இருப்பினும் கூழாய் குடிக்காமல், களியாய், ரொட்டியாய் உண்பது சர்க்கரை நோயாளிகளுக்கு உத்தமம்.

எலும்புகளை வலுப்படுத்தும் ராகி, நீரிழிவு ரத்த சோகை, உடல் பருமன், தூக்கப் பிரச்சினைகள், பதற்றம் போன்ற உடல் நல பிரச்சனை உள்ளவர்களுக்கு மாமமருந்தாக உள்ளது. 

கோழ்வரகில் அதிகளவு இரும்புச்சத்து உள்ளதால், உடலுக்கு வலிமை தரும். அரிசியைவிட குறைந்த அளவு கார்போ ஹைட்ரேட் மற்றும் அதிகளவு நார்ச்சத்து உள்ளது. 

கேழ்வரகு மிக குறைவான கிளைசெமிக் இண்டெக்ஸ் கொண்ட உணவு வகையைச் சேர்ந்தது. உடல் ஆரோக்கியத்திற்கு முக்கியத்துவம் கொடுக்கும் பெரும்பாலானோர் சாதாரண கோதுமை மாவுக்குப் பதிலாகராகி மாவையே பயன்படுத்துகின்றனர். 

விண்வெளி செல்பவர்கள் தெரிந்து கொள்ள வேண்டிய விஷயங்கள் !

ஊட்டச்சத்துக் களஞ்சியமாக இருக்கும் இதில் அமினோ அமிலங்கள், ஆன்டி-ஆக்ஸிடன்ட்கள், வைட்டமின்கள், தாதுக்கள் மற்றும் நார்ச்சத்து உள்ளது. உடல் பருமன், ஒற்றைத் தலைவலி, இதய நோய், மன அழுத்தம் மற்றும் நீரிழிவு நோயைக் குறைக்க உதவுகிறது. 

ராகி சாப்பிடுவதால் பல நன்மைகள் கிடைக்கும் என்றாலும், சிலர் இதனை சாப்பிடுவது பக்க விளைவையும் கொடுக்கும். இந்நிலையில், ராகி சாப்பிடுவதால் கிடைக்கும் நன்மைகள் தெரிந்து கொள்ளலாம்.

ராகி உள்ள சத்துக்கள் : .

100 கிராம் கேழ்வரகில் 320 கிலோ கலோரிகள் உள்ளது. 100 கிராம் கேழ்வரகில் 11.18 கிராம் நார்ச் சத்து, 66.82 கிராம் கார்போஹைட்ரேட், 1.92 கிராம் கொழுப்பு, மற்றும் 7.16 கிராம் புரதம் உள்ளது.

நீரிழிவு நோயை கட்டுப்படுத்தும் ராகி : .

நீரிழிவு நோயால் பாதிக்கப்பட்ட பலர், அரிசி அல்லது கோதுமைக்கு பதிலாக தினைகள், குறிப்பாக ராகி அல்லது விரலி தினைகளை எடுத்துக் கொள்ளலாம். 

ஏனெனில் அவை மிகவும் பழமையான மற்றும் மிகவும் பிரபலமான தானியமாக இருக்கிறது.  ராகி அனைத்து தினைகளிலும் லேசானது என்பதால், அதை பழக்கப்படுத்துவது எளிமையானது என்று கருதப்படுகிறது. 

இது அரிசி அல்லது கோதுமையின் அதே கார்போஹைட்ரேட் மதிப்பைக் கொண்டுள்ளது. ராகியில் நல்ல அளவு பாலிபினால்கள் மற்றும் நார்ச்சத்து உள்ளது. இதன் கிளைசெமிக் குறியீடு மற்ற தானியங்களை விட குறைவாக உள்ளது. 

எனவே ராகி சாப்பிடுவதால் இரத்தத்தில் உள்ள சர்க்கரையின் அளவு குறைகிறது. காலை உணவாக ராகி தோசை அல்லது இட்லியை கண்டிப்பாக சாப்பிடுங்கள். வியக்கத்தக்க பலன்களை பெறுவீர்கள்.

வார நாட்களில் நடைப்பயிற்சி... வாழ்நாள் ஆரோக்கியம் !

நார்ச்சத்து அதிகம் : .

ராகி, கரையக்கூடிய மற்றும் கரையாத உணவு நார்ச்சத்துக்கான சிறந்த மூலமாகும். இந்த ஃபைபர் உள்ளடக்கம் செரிமானத்திற்கு உதவுகிறது. 

இரத்த சர்க்கரை அளவைக் கட்டுப்படுத்த உதவுகிறது, மேலும் நிறைவான உணர்வை ஊக்குவிக்கிறது, இது எடை நிர்வாகத்திற்கு நன்மை பயக்கும்.

இரத்த சோகையை நீக்கும் ராகி : .

ராகி சாப்பிடுபவர்களின் உடலில் இரும்புச்சத்து குறைபாடு இருக்காது. ராகி சாப்பிடுவதால் உடலுக்கு இரும்புச்சத்து அதிகம் கிடைக்கும். 

இரத்த சோகை நோயாளிகள் கண்டிப்பாக ராகியை உணவில் சேர்த்துக் கொள்ள வேண்டும். ஹீமோகுளோபின் குறைவாக உள்ளவர்களுக்கு ராகி ஒரு நல்ல உணவு.

டோல்கேட் ரசீதுக்கு பின்னால் இருக்கும் உரிமைகள் தெரியுமா?

தூக்கம் மற்றும் மனச்சோர்வை நீக்கும் : .

மன அழுத்தத்தை குறைக்கும் ராகியில் ஆன்டி ஆக்ஸிடன்ட்கள் காணப்படுகின்றன. இதை சாப்பிடுவதால், கவலை, மனச்சோர்வு, தூக்கமின்மை பிரச்சனைகள் நீங்கும். ராகியை தினமும் சாப்பிட்டு வந்தால் மன ஆரோக்கியம் நன்றாக இருக்கும்.

எலும்புகளை வலுவாக்கு : .

ராகியில் அதிக அளவு கால்சியம் உள்ளது. இதனால் எலும்புகள் வலுவடையும். எலும்புகள் ஆரோக்கியமாக இருக்க ராகியை தினமும் சாப்பிடுங்கள். 

குறிப்பாக கைக்குழந்தைகள், வளரும் குழந்தைகள் மற்றும் கர்ப்பிணிகள் ராகியை கண்டிப்பாக சாப்பிட வேண்டும்.

கால்ஷியம் : .

கால்ஷியம் அதிகமாக உள்ளதால் ஒரு முறை அல்லது இருமுறை கேழ்வரகு உணவுகளை சாப்பிட்டு வருவது, பற்கள் மற்றும் எலும்புகளின் உறுதித்தன்மையை அதிகரித்து பயன் படுத்தலாம்.

உடல் பருமனை குறைக்கும் : .

நார்ச்சத்து நிறைந்த ராகி உடல் பருமனை குறைக்க (Weight Loss Tips) உதவுகிறது. ராகி சாப்பிட்ட பிறகு நீண்ட நேரம் பசி எடுப்பதில்லை. 

இது அதிகப்படியான உணவை சாப்பிடுவதைத் தடுக்கிறது. இதன் மூலம் உடல் பருமனை கட்டுப்படுத்த உதவுகிறது.

கொலஸ்ட்ராலைக் குறைக்கும் : .

ராகியில் நார்ச்சத்து பைடிக் அமிலம் உள்ளது. இதன் காரணமாக கொலஸ்ட்ரால் குறைகிறது. ராகி இதயத்திற்கும் நல்லது என்று கருதப்படுகிறது. உங்கள் மூன்று வேளை உணவில் ராகியை ஒரு இறைச்சியாக சேர்த்துக் கொள்ளுங்கள்.

காலையில் எழும் போது ஏன் வாய் துர்நாற்றம் வீசுகிறது?

ராகி மால்ட் : .

ராகி மால்ட் என்ற பானம் அந்த காலம் முதல் பணக்காரர்கள் பாணமாக உள்ளது. ராகி, கம்பு, வரகு போன்ற சிறு தானியங்கள் உடலுக்கு தேவையான சத்துக்கள் நிறைந்த உணவுகள்.

பழக்கம் இல்லை என்றால் சிலருக்கு வயிற்றுப் போக்கு இருக்கும்.‌ தொடர்ந்து பயன் படுத்த உடல் அதை ஏற்றுக் கொள்ளும்.