எலும்புகளை பலப்படுத்தி, சரும நோய்களை தீர்த்து, இரத்த சோகையை விரட்டும் தேங்காய் பால். உடலில் மாங்கனீசு குறைபாடு ஏற்பட்டால், நீரிழிவு நோய் வரும்.
.jpg "ஓணம் ஸ்பெஷல் அடை பிரதமன் செய்வது எப்படி?")
ஆனால் தேங்காய் பாலில் வளமான அளவில் மாங்கனீசு நிறைந்துள்ளது. தேங்காய் பாலில் போதுமான அளவு கால்சியம் இல்லாத போதிலும், பாஸ்பரஸ் நிறைந்துள்ளது. வெல்லத்தில் இரும்புச் சத்து அதிகம் நிறைந்துள்ளது.
அதிலும் வெல்லத்தை பெண்கள் சாப்பிடுவது மிகவும் நல்லது. இரவு தூங்கும் முன் வெல்லத்தை உட்கொள்வது, ஆரோக்கியத்திற்கு வியக்கத்தக்க நன்மைகளைத் தரும்.
சரி இனி தேங்காய் பால், வெல்லம் பயன்படுத்தி டேஸ்டியான ஓணம் ஸ்பெஷல் அடை பிரதமன் செய்வது எப்படி? என்று இந்த பதிவில் கண்போம்.
தேவையான பொருட்கள் . :
அரிசி அடை - 50 கிராம்
வெல்லம் -120 கிராம்
நீர்த்த
தேங்காய் பால் - 75 மிலி
கெட்டியான தேங்காய் பால் -100 மிலி
தேங்காய் துண்டுகள்- 10 கிராம்
முந்திரி 5 கிராம்
உலர்ந்த இஞ்சி தூள்- 3 கிராம்
ஏலக்காய் பொடி - 2 கிராம்
நெய் - 25 கிராம்
செய்முறை . :
.jpg "ஓணம் ஸ்பெஷல் அடை பிரதமன் செய்வது எப்படி?")
தண்ணீர் கொதிக்கும் வரை சூடாக்கி, அடுப்பை அணைத்து, அதில் அடையைச் சேர்க்கவும், 30 நிமிடங்கள் ஊற விடவும். 30 நிமிடங்கள் கழித்து, தண்ணீரை முழுமையாக வடிகட்டி, அடையை 2-3 முறை குளிர்ந்த நீரில் அலசவும்.
இதனால் அடை ஒன்றுடன் ஒன்று ஒட்டிக் கொள்வதைத் தடுக்கலாம். தண்ணீரை முழுமையாக வடிகட்டவும். அதை சிறிது நேரம் ஓரமாக வைக்கவும்.
அரை கப் தண்ணீரில் வெல்லத்தைக் கரைத்து, வடிகட்டி, அதிலுள்ள கசடுகளை நீக்கவும்.
2 தேக்கரண்டி நெய்யைச் சூடாக்கி, முந்திரி மற்றும் தேங்காய் துண்டுகளை வறுக்கவும்.
அதே பாத்திரத்தில், மேலும் சிறிது நெய்யை சூடாக்கி, அடையை மிதமான அல்லது குறைந்த தீயில் 4-&5 நிமிடங்கள் வறுக்கவும்.
இப்போது, வெல்லம் கரைத்த நீரை அடையில் சேர்த்து, மிதமான சூட்டில் அது கெட்டியாகும் வரை சமைக்கவும்.
கெட்டியானவுடன், அதில் நீர்த்த தேங்காய் பாலைச் சேர்க்கவும்.
அது மீண்டும் கெட்டியாகும் வரை மிதமான தீயில் சமைக்கவும். பிறகு, கெட்டியான தேங்காய் பால், வறுத்த முந்திரி, திராட்சை மற்றும் ஏலக்காய் பொடி மற்றும் தேங்காய் துண்டுகளைச் சேர்க்கவும்.
நன்றாகக் கலக்கி விட்டதை உறுதி செய்த பிறகு, அடுப்பை அணைத்து விடலாம்.
